ខគម្ពីរពេញនិយមពី लुका 19

ចែក​រំលែក

नेलाइलेक परमेस्‍वरवइ उस्‍परिंङाउ ङा अर्‌मिइ ओजा आउ मादमिल जकै मदिउ परमेस्‍वरङि तादा जासो अर्‌मिरलाइ खिम्‌न्‍या सोनो बचैन्‍या ङाराउ।”

“परमप्रभुइ उर्‌मित रान्‍या अर्‌गे आसिस अस्‍दैसिउ। स्‍वर्‌गत सान्‍ति ओजास्‍क सोनो परमेस्‍वरवइ ओमहिमा ओजास्‍क” हैलेद कलिइ-कलिइ परमेस्‍वरवइ ओप्रसंसा दोकेर।

येसुइ हैलेके, “आछिम्‌ आउ झिम्‍लाउ अर्‌मिरलाइ परमेस्‍वरवइ बचैद यानौ। नेलाइलेक आउ जखायस ब अब्राहामवइ ओसन्‍तानज।

जब येसु नो थाउँक कलेसरैके, हुकिं यादि बालसिद नोलाइ हैदोकेउ, “ए जखायस, हर्‌पत लास्‍द रैं, आछिम्‌ ङा ना नझिम्‍क बासिउ ज परि।” नो होपन्‍याँ लास्‍द राके। हुकिं नो भ्‍या खुसि जास्‍द येसुलाइ उझिम्‍क स्‍वागत दोकेउ।

तर छ्‌याक जखायसवइ च्‍याँद प्रभुलाइ हैदोकेउ, “गुरु ज्‍यु, थैको, ङा तकाप्‍ला ङासम्‍पति गरिबरलाइ ङायो, सोनो जोरास ङा अन्‍याय दाद उथैद रैदङानै। होरलाइ ङा चारगुना भ्‍या यान्‍या ङाले।”

अर्‌मिराइ याहुल्‍मुलङि खो-खो फरिसि हैयादाज्‍याउ यहुदिराइ येसुलाइ हैदोकेर, “हे गुरु, नचेलारलाइ अइजैद ताकलिच्‍यो हैयादोको।” येसुइ नोरलाइ हैयादोकेउ, “ङा आरलाइ ताकलिच्‍यो हैङामादो, आर यामाकलिकिंलेक ते लुँर ज कलिन्‍यालेर।”