ខគម្ពីរពេញនិយមពី Markus 6

ចែក​រំលែក

La pipiya dewa yalematara la bwitoho nga iyahara la süye eda tasüye, bwa Hesus ma marahara lei tabwer labwe mwangaü. Eda haüül bwa, “Hau bwitoho bwa dibwe raho idoburodu ra ebwe hara hisa sahü bwa ebwe süye bwa haubwe hadodohami hauda yasemei.”

Hesus eda haüül bwa, “Uruteri farüye la haparüye profeta, hara mena ebwe mire wori farüyar ma uworuul yalematar ma sawori iimwar mena la tai haparüye.”

Ifiri mena Hesus e taütiwo ma usuri uwa eda käkäneiil pipiyael yalemat nga eda moutoho yaar fahoil bwa la weya siipi hara e tawol lei hafanil. Eda hapurotahe yaar kaüül matamatari faülümire.

E tasüye bwa ebwe faülü kamarari yarüdü ma burukara. Hara fitemaru söhü lei hamatahi mena e itetahe paür uwawoil eda hasüya hamatahiil. E lüdüyehiri dewa mere bwa yalemata-hara tawol dewa yael hatödü. Hesus eda süya eda raho räni wotawot hara e halep eda kaüül yalemat.

Hesus eda hädi mena rimau faraawa ma liyemaru iihe eda taraetahe weireng eda haparüye Dios. Eda hädi ra faraawa eda tipini eda hariil marahara lei tabwer bwa labwe haneil yalemat. Eda bwara tipini iihe hara uworuul urutael yalematahara. Urutael yalemat la ppari mwangaü lada parahi. Marahara lei tabwer lada lühü fängäniye deih ma luwou haraisiri ruttehiri faraawa ma iihe.