ខគម្ពីរពេញនិយមពី Markus 16

ចែក​រំលែក

Hesus eda haüül bwa, “Haubwe raho uwawori uruteri farüyeri yalemat hauda hori kaü Titiro Maho iyoloil urutael yalemat.

Marahara e wol yael hatödü ra ebwe wola ppoul labwe faülü kamarari yarüdü: la bwe hora iitei lada harewarewawau yarüdü tammaü; labwe titiro la hori palüül raam ra la tai faduri hae hori; weya me labwe dubuli rabuto hale la ürü dupe nga e tawai hamatahil; iile ra labwe itetahe paüül uwawoil lei hamatahi nga larau mahoraho.”

Yalematahara ebwe wola yael hatödü lada hatütü ra labwe rru. Nga yalematahara e tawol yael hatödü ra labwe hafaiyebwiteli.

Nga marahara lei tabwer lada raho wori uruteri farüye lada kaüül, nga Tamoru e tapangil nga e hori kamarari yarüdü eda happou bwa hatödü marahara yael kaü.] [ 9 Yahara faifire lada raho iyolori Petrus ma marahara weribwidir lada haüül uruteri ramahara yalemat la haüül. 10 Werimwiliri mere nga Hesus eda hatalilaraho marahara lei tabwer bwa labwe hasaworaparaho raam liya ra nifaari haruru tawol haühür.]

Nga happala mwana eda haüül bwa, “Hau tawai matahü. I hüra bwa hau kupeti Hesus eri Nasaret we la siforungeri kurus. Eda mori simwatahe ma ifiri made; e taimire iha. Bwito haubwe habaühü burukawe e woro podür irang.

Ifiri mena la süyeri paparaho nga lada haddiye fängääni hale, “Itöü ebwe hatapörü delaye faduwe e mire matari hatamari peiya hataingehis?” (E tarapari födü.) Nga lada taraeraho lada käkäne bwa faduwe ra eda mori mahütü delaye. Lada itirango räni ribwara lada käkäne demarü happala mwaare e maato layera hurumala nga e üffoüf üffa pwes, lada matahü.