ខគម្ពីរពេញនិយមពី Mateus 19

ចែក​រំលែក

Hesus eda habaühüül eda dölü bwa, “Mere e tawau süya ngariil yalemat bwa labwe faaülü, nga dari na Dios ra e süya ngari uruteri faülümire.”

Ira sapir lada tai liyemaru bwa lada hara demarü. E tawol yalemat ebwe hasüya fatangiye mena Dios eda mori hasufängäniye.”

Hesus eda parüyeri na ramael eda dölü bwa, “Hau tösü habaühü-mo na e mire räni Farüförü Liya ra e dölü bwa ifiri-mo hapurotaher nga Dios e faülüül yalemat bwa ebwe wol mwaare ma faifire? Dios eda dölü bwa, ‘Iyer na sapir nga mwaare ebwe rihiti tamar ma diin eda raho eda pülüya liir eda iil hara demarü yalemat.’

Hesus eda dölü bwa, “Hau tawai pahüül. Hau rihitil riweisi hara bwa labwe bwitoho iyoloi, bwanasahü na Farüyeri weirengi ra hataingehiil marahara la weil riweisi har.”

Nga dari na la pipiya marahara la matamowa meihira ra labwe haühüh, nga iyahara la haühüh meihira ra labwe matamowa.

Yalematahara labwe rihiti iimwael hale marahara bwidiil hale marahara mweyangael hale tamael hale dirael hale marahara rauul hale marahara maatael bwanasahü na la tabweyai, ra labwe dobuhuya ma imowari mena la rihiti na labwe häditafariya nga la hädi tawol haühühüri fad.

Hesus eda haüya bwa, “Nga sahü nga ho masari dewa bwa hobwe faülü na e hatödüri maho, ira hobwe raho hoda hori parüyeri uruteri hapitehimu hoda hariil lei halofalof ra parüyen bwa ebwe mire taiteimu weirengi, hoda bwitoho tabweyai.”

Hesus eda parüyeri na ramar eda dölü bwa, “E feita hoda hadiyayai hale meta na e maho? Har Demarü söhü na e maho. Hobwe tabweya na e dölü farau bwa ebwe süya na hobwe raho ifiri tawol haühühüri fad.”

Ibwe para tapa tafariya: e hamatahi dewa na demarü lei taitei ebwe bwirango uwawori Farüyeri Dios ma ifiri ra camel ebwe itirango räni matari ramaramari nilo.”

Meihira nga ibwe hauhami bwa mwana ebwe peitaraho liir, ifiri na faifina liir ebwe tai pülüye demarü mwaare, nga mwana liir eda ra liiri demarü faifire, ira nga mwana ra e mire ifiri ssawu tammaü.”

Hesus eda haüül marahara lei tabwer bwa, “Ibwe hau dewahami bwa e hamatahi dewa na lei taitei labwe bwirango uwawori Farüyeri weirengi.