ខគម្ពីរពេញនិយមពី Mateus 13

ចែក​រំលែក

Nga fatoh hara e tahasetahe ma uwawori masalo maho ra e tapael marahara la longolongo ramari Dios nga la hüra nifaar ra la weya fatoh hara e pipiya uwaar, palüül ra döbühüya uwaar nga palüül ra woroih uwaar nga palüül ra doriih uwaar.”

Nga fatoh hara e püngütiwo wani kangisir ra e tapael marahara la hadutering ramari Dios nga dari na e masümösü tipael ifiri titini fadayer ma masani na labwe taitei eda riiye raho ramawe la longolongo eda tasüya bwa ebwe wol uwaar.

Marahara la longolongo titiini Farüyeri Dios nga la tahüra nifaar ra la weni bihini fatoh hara e püngütiwo niyar eda bwitoho diabolo eda hurutengila-mo la fatohi faringörüngörüül.

Fatoh hara e püngütiwo wani yarang ra e tapael marahara matamowari yael longolongo Titiro Maho nga la kkele dewa irang. Nga dari na e tai faduye titin ma faringörüngörüül eda tai miriyarai yael tabweya. Nga eda wol hamatahütöhü hale hairam hataingehiri Titiro Maho nga ifiri menasahu nga la peitaraho titirowe la mire irang.

“Farüyeri weirengi ra e weya merer. Demarü mwaare e weli dew hapitehi wahawah ma räni dew maat. E maho dewa faringörüngön eda par ribwatafariya eda raho eda hori parüyeri uruteri hapitehir eda wehitafaari eda parüyeri maatara.

Nga palüül la püngütiwo uwawori masalo maho lada uwa: palüül ra döbühüya uwaar nga palüül ra woroih uwaar nga palüül ra deriih uwaar.”

Hau rihiti bwa labwe woduri fahor eda tohongari na dibwe hiridi uwaar. Ifiri mena nga i dawa haüül marahara lei fitehi bwa labwe uhori udunitahe iyahara fatiri tammaü lada pirohu fängänini lada haimahawarini, lada hädini iyahara wheat lada iterinirango räni soko.’ ”