ខគម្ពីរពេញនិយមពី Mateus 10

ចែក​រំលែក

“Hau hadutering! I hatalihemiwou hauda weya sahü siipi nipatael wolf . Haubwe hawengari rabuto ra e lepahau nga hau marüyörüya hauda weya hiyoope.

Yalematara e kupeti fadar ra ebwe taminaho na fadar, nga yalematara e fangaraho fadar nihataingehi ra ebwe welitafariya na fadar.

Hau tawai matahüül marahara e süya bwa labwe riiya podümi nga e tasüya bwa labwe riiya ra ngörümi. Haubwe matahü Dios ra e süya bwa ebwe peitatiwo podümi ma ngörümi farüyeriyefi.

Yalematara e tai yafala yaar kurus eda tabweya mwili e tai hapaüpöüri na ebwe iiye lei tabwei.

“Nga sahü nga demarü yalemat e hannaha ni matael yalemat bwa iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi. Nga sahü nga e wol demarü yalematara e hannaha ni matael yalemat bwa e tai iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi.

Hau hasüya hamatahiil lei hamatahi, nga hau hafadatafariil lei made, nga hau hafaheya rühüül maka hamatahiri rühüül, nga hau harewawau yarüdü tammaü ma faringörüngörüül. Hau tei parüyerini marahar ifiri yami hedini, eda tawai wol parüyen ifiri na haubwe faülü.

Hau tawai matahü; e tarapar nifami hami ma imowari towuri happari maru.

“Hau tawai mangiya bwa i bwitoho bwa ibwe häditoho marüyörüya weidarop. Naweri, i tei bwitoho bwa ibwe kato marüyörüya bwa i bwitoho bwa ibwe katoho uwadeitap.