ខគម្ពីរពេញនិយមពី मरकुस 13

ចែក​រំលែក

अर म्हारै नाम रै वास्तै सगळा थौरे ऊं घिरणा करैला, पण जिकौ आखरी तांई विसवास राखैला, उणीज रौ उद्धार होवैला।

जागता अर पराथना करता रहीजौ, थै नीं जांणौ के वो वगत कद आ जावैला।

जद वे थांनै पकड़नै पूछताछ वास्तै सौपेला, तो पैली ऊं चिंता नीं करणी की अपां कांई केवोला। जिकौ कीं भी थांनै उण वगत पवितर आतमा बतावै वो इज कहीजौ। क्यूंकै थै बोलण वाळा नीं हो, पण पवितर आतमा है।

आभौ अर धरती टळ जावैला, पण म्हारौ वचन कदैई नीं टळैला।

“उण दिन अर उण घड़ी रै बारै मे कोई कोनीं जांणै, नीं सरग मे दूतो नै अर नीं मिनख रै बेटे नै, कैवल परम पिता परमेसर जांणै है।

जद थै लड़ाईयां देखौ अर लड़ाईयां री बातां सुणौ, तो घबराइजो मती। क्यूंकै इणरौ होणौ जरुरी है। पण अजी अंत कोनीं है।

“इण वास्तै जागता रौ, क्यूंकै थै नीं जांणौ की घर रौ मालिक कदै आवैला। सिझ्या या आधी रात रा, या कुंकड़े रै बांग देवण रै वगत या सवार नै। ऐड़ौ नीं होवै की वो एकदम ऊं आने थांनै सूता पावै। अर जिकौ म्हैं थौरे ऊं कैवूं हूं, वोहीज सबां ऊं कैवूं हूं, ‘जागता रैवौ।’ ”

क्यूंकै वंस माथै वंस, अर राज्य माथै राज्य चढ़ाई करैला। घणी जगा भूकम्प होवैला, अर काळ पड़ैला। आ तो जापायती रा टाबर होणै ऊं पैला होवण वाळा दरद ही सरूआत ज्यूं है।

पण जरुरी है की पैला सुभ संदेस सगळी जातियो मे परचार किया जावै।

घणा म्हारै नाम ऊं आने कैवैला, ‘म्हैं मसीह हूं।’ अर घणा मिनखां नै भरमावैला।

“पण थै सावचेत रईजो, वे थांनै पंचायत नै सौपेला, अर थांनै यहूदी पराथना घर में ठोकेला, अर म्हारै वजै ऊं हाकिमों अर राजाओ रै सांमै ऊभा किया जावोला। ओ थौरे वास्तै उणौनै सुभ संदेस सुणाणै रौ एक बड़िया मौकौ मिळैला।

क्यूंकै झूठा मसीह अर झूठा भविसयदाता परगट होवैला, अर निसाणी अर अचूम्बे रा कांम दिखावैला अर टाळियोड़ो नै भरमाणे री कोसीस करैला।

“उण दिनां मांय, उण कलेस रै पछै, ‘सूरज अंधारौ हो जावैला, अर चांद चांदणौ नीं देवेला। अर आभै री सगतियो हिलाई जावैला। अर तारा आभै ऊं नीचा पड़ैला।’