ខគម្ពីរពេញនិយមពី मती 26

ចែក​រំលែក

जागता रौ, अर पराथना करता रौ की थै परीकसा में नीं पड़ो। आतमा तो तैयार है, पण सरीर कमजोर है।”

तो यीसु उणौ नै कयौ, “म्हारौ जी घणौ उदास है, एठै तांई की म्हारौ प्रांण निकळ रियौ है। थै एठैज ठैरौ अर म्हारै साथै जागता रौ।”

पछै वो थोड़ा आगै चालन गोडा टेक नै आ पराथना की, “हे म्हारा पिता, जे हो सकै तो ओ दुख रौ कटोरो म्हारै ऊं टळ जावै। तौभी ज्यूं म्हैं चावूं व्योह नीं, पण ज्यूं थूं चावै व्यौंही होवै।”

क्यूंकै ओ वाचा रौ म्हारौ वो लोई है, जिकौ घणौ रै वास्तै पापों री माफी रै वास्तै बहायौ जावै है।

जद वे खा रिया हा तो यीसु नै रोटी ली, अर आसीस मांग नै तोड़ी, अर चेलौ नै देन कयौ, “लौ खाओ, आ म्हारी देह है।”

पछै उण कटोरो लेन धन्यवाद कियो, अर उणौनै देन कयौ, “थै सैंग इण में ऊं पीयो

पछै वो चेलौ रै खनै आन उणौनै सूतोड़ा देख नै पतरस ऊं कयौ, “कांई थै म्हारै साथै एक घड़ी भी नीं जाग सकया?

म्हैं थौरे ऊं कहूं की अंगूर रौ रस उण दिन तांई कदैई नीं पीऊंला, जैड़ी तांई थौरे साथै अपणै परम पिता रै राज में नयो नीं पीऊं।”

तो पतरस नै यीसु री कयोड़ी बात याद आई। “कुंकड़े रै बांग दैणै ऊं पैला थूं तीन बार म्हारौ इन्कार करैला।” अर वो बाहर जायनै जोर-जोर ऊं रोयो।

उठो, चालौ। देखौ, म्हारौ पकड़ाणै वाळौ नैड़ौ आ गियौ है।”

तो यीसु उणनै कयौ, “अपणी तरवार म्यांन में राख दे, क्यूंकै जिकौ तरवार चलाई वे सैंग तरवार ऊं नास किया जावैला।