ខគម្ពីរពេញនិយមពី लूका 7

ចែក​រំលែក

इण वास्तै म्हैं थारा ऊं कैवूं हूं, इणरा पाप जिकौ घणाई हा, माफ होया है। क्यूंकै आ घणौ परैम करयौ है। पण जिणरा थोड़ा पाप माफ होया है, वो थोड़ो परैम करयौ है।” अर उण लुगाई नै कयौ, “थारा पाप माफ होया।”

पण वे उण लुगाई नै कयौ, “थारै विसवास नै थनै बचाई है। जा राजी खुसी ऊं जा।”

वां यीसु रै पगां खनै, लारै ऊभी रैन, रोवती होई उणरै पगां नै आपरै आसुओ ऊं धोवण लागी अर आपरै माथै रा बालों ऊं बार बार पौछती, अर उणरै चरणौ नै चूमती अर उण माथै अंतर चोपड़ती।

इण खातर म्हैं अपणै आप नै इण लायक ही कोनीं समझयो, की थौरे खनै आऊं। पण थै इतौ ही कैह दो तो म्हारौ सेवक सावळ हो जावैला। म्हैं भी दूजा साहब रै नीचे कांम करूं हूं अर सिपाई म्हारै हाथ मे है। जद एक नै कैवूं ‘जा’ तो वो जावै है अर जद दूजै नै कैवूं ‘आ’ तो वो आवै। इण तरैह म्हारा सेवक नै कैवूं हूं, ‘ओ कर’ तो वो करै है।” ओ सुणनै यीसु अचूम्बो करयौ, अर वो पाछौ मुड़नै भीड़ ऊं कयौ जिकौ उणरै लारै आई ही, “म्हैं थौरे ऊं कैवूं हूं, की ऐड़ौ विसवास तो म्हैं इजरायल रै लोगां मे भी कोनीं देख्यौ।”

उण घड़ी यीसु घणै लोगां री बिमारियों सावळ करी, अर दुखौ ऊं छुड़ाया, दुस्ट आतमाओ ऊं छुड़ाया अर आंधौ नै आंख्यां दी। यीसु यूहन्‍ना रै चेलौ नै कयौ, “जिकौ कीं थै देख्यौ अर सुण्यौ है, जायनै यूहन्‍ना नै कैह दो, आंधा देखे, लंगड़ा चालै, कोढ़ियो रौ कोढ़ झड़ै है, बोळा सुणण लागा है, मुड़दा जीवता होवै है अर गरीबो नै सुभ संदेस सुणावै है।