ខគម្ពីរពេញនិយមពី Lukas 17

ចែក​រំលែក

Dak Yèsus nachal ma rik nak, “Ted lah, dak wèk. Hãk hòj hahakh sebab hapechaye ma Yék.”

Kalòw rik nak nateꞌèl dose ma hãk tujoh kalik kelòj néy is pon, dak tiyab-tiyab kalik nasisal, nalãj ma hãk bok nachèl-chal, ‘Maꞌap lah ma yék,’ hãk haros haꞌampon ma rik nak tiyab-tiyab kalik.”

Dak bil néy sènꞌòy nòm umnak nanéh esik eh nak hòj nahakh, rik nak nalos ma Yèsus sambil naꞌèhmah ma Allah nòm kuy kènwad. Dak rik nak natud èn sòy jukh Yèsus dak nabeterime kaséh ma Rik Nak. Sènꞌòy nak kedak sènꞌòy Yahudi, tapik sènꞌòy Samariya.

Sebab nak bejagak-jagak lah! Agok nyob teꞌèl gerèk nak. Kalòw kéy hãk rik bepechaye ma Yék nateꞌèl dose ma hãk, tèdchod lah ma rik nak. Dak kalòw nasisal, ampon lah ma rik nak.

Dak Yèsus nachal, “Mok sepuloh sènꞌòy rik hòj Yék itèrhakh, kan? Jadik nahey rik sembilan sènꞌòy wèl tok lès-los?

Dak Tuhan Yèsus nachal, “Kalòw nyob pechaye ma Allah amès pon, gerèk mad menéh sawik rik ajok geb, nyob boléh or ma jehuk rayak doh, ‘Ròj lah nòm tèk, dak tap lah èn òng laud!’ Dak jehuk nak akal nahoh ma nèrꞌor nyob.”

Sebab chok rik bekerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh sebab nahoh ma Yék, akal natèrgos nèsgos rik jalꞌéng eh nak.

Yèsus nachal ma mèn hèhoh Eh, “Èn duniak doh, pastik mok hal rik betenarèk ma sènꞌòy sampéy umkelek ma kelòj dose. Tapik terok geb lah untok sènꞌòy rik tèdꞌéd ma sènꞌòy mòy sampéy umbedose! Kalòw mok sènꞌòy natèdꞌéd ma sènꞌòy gerèk jèꞌjok doh rik bepechaye ma Yék umbedose, terok geb lah henukom Allah ma sènꞌòy nak! Lebéh méj kalòw nabeg batuk rayak èn geloh eh, dak bes ma kelòj laud!

Bil Yék, Sènꞌòy Nòm Sorga, ilãj wèl, mase nak chare sènꞌòy gès-gos samak gerèk chare sènꞌòy rik gès-gos bil jènman Nuh manah tòp. Sebab bil nak sènꞌòy umgos gerèk biyase hék: umga-géy, umꞌa-òng, dak umbebabéy. Kenèmbek nak umteꞌèl sampéy nalãj mase eh Nuh namòj ma kelòj bod rayak. Dak nalãj bègꞌag rayak, umselod dak umkebes lah umnak kenèmbek.