ខគម្ពីរពេញនិយមពី Luŋ 8

ចែក​រំលែក

Bʉʼʉ bɔŋleʼ kínə mbɔ tʉ bʉə ndə bɔ̂ŋ kʉ̀ʉ Nyii, ɔ nɔ tʉʼ chìi nubə nchəŋnchəŋ ndə i tʉʼ fyú tʉ bɔŋ i kə́ fɔ̀ʼ ndə bʉʉ-yʉə. Nɔ bɛ bʉə ndə Nyii nɔʼ tíi bɔŋ mbɔ b̈ɔŋ fɔ̀ʼ nubə haʼ ndə ɔ nɔʼ kə shʉ̀tə.

Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.

Nɔ bɛ haʼ nɔ, LyʉʉhəNyiikə nɔ gwè ndə məkwáa bʉʼʉ, bʉʼka bʉʼʉ nɔ lʉ́ʉtə. Bʉʼka bʉʼʉ kínə mə gháaNyii ndə ntɛ ndə bʉʼʉ kie ndə məgháa ɔ fɛ, bɔŋ mbʉ kəLyʉʉhəNyii nə mbəŋ-ɛŋ nɔ tʉʼ fʉ̀ʉtə Nyii yie-bʉʼʉ nə ntɛ mədùŋtə ndə ŋgie-chu-bə mə fʉ̀ʼtə fɛ.

Bʉʼʉ bu gìe mbuka ndə nubə-ɔ̄ŋ? Kaʼ Nyii bɛ kəvia-bʉʼʉ, bɛ nda ndə bəkɔ ɔ ghɔ́ʼ bʉʼʉ?

Nɔ, wo ndə ɔ bɛ ghɔŋ Klai Jiso mɔʼɔ, bieleʼ gwù fɛʼɛ fɛ.

Ndə m̃əmɛ̀ʼtə ŋwɔŋ-aŋ ndə mə-kə́-yʉ́ hə kəghɔ-nubə ndə bʉəməsʉʉ kʉ̀ʉ, nɔ lìʼ nə kwu, bɔŋ m̃əmɛ̀ʼtə ŋwɔŋ-aŋ ndə mə-kə́-yʉ́ hə kəghɔ-LyʉʉhəNyiikə, nɔ gwè nə məchímbi ghɔŋbə fyiighʉ́ənə.

Bʉʼʉ bɔŋ nɔʼ ghɔ́ʼ nubə-ɔ̄ŋ nchəŋnchəŋ tə kùu, tíŋ hə bɔ̌ŋ mbəŋ-ɛŋ ndə ɔ kʉ̀ʉ bʉʼʉ.

Bʉʼka mɔ nɔ nyíɛ mbɔ ŋgʉəʼ ndə bʉʼʉ tʉʼ nyíɛ nduɔ, bə mə fʉ̀ʼ ndəŋ məgʉ́ə ndə bʉʼʉ bu yi nyíɛ fɛ.

Bɛ ka ndə bəkɔ i wɔ̀ʼtə bʉʼʉ ndə ŋkʉ̂ʉ-Klai? Bɛ ŋgʉəʼ mɛ, bɛ məlíŋ mɛ, bɛ məchɔ́ŋhə ndə bə tʉʼ chɔ́ŋhə bʉʼʉ mɛ, bɛ chyʉʉ mɛ, bɛ mətòʼ kənchiʼtʉʉ mɛ, bɛ mə bɛ chu-kwú mɛ, byuunɔ məfɛ̀ŋhə nə kwu?

Bɔŋ Nyii ndə ɔ tyúutə mu fyiihə-ʉʼʉ nɔ kínə nukə ndə mbʉ kəLyʉʉhəNyii tʉʼ kwɔ̀ʼtə, bʉʼka mbʉ kəLyʉʉhəNyii, nɔ tʉʼ fʉ̀ʉtə Nyii yie-bʉə-bi ndə ntɛ ndə Nyii kʉ̀ʉ.

Bʉə bənchəŋ ndə bɔ̂ŋ tʉʼ yʉ́ kəghɔ-LyʉʉhəNyiikə nɔ bɛ vâa-Nyii.

Bʉʼka b̃ʉə ndə bɔ̂ŋ tʉʼ chí mbi ndə ntɛ ndə bʉəməsʉʉ kʉ̀ʉ, nɔ tʉ́ʼ ndaahə-ʉə ndəŋ nubə ndə bʉəməsʉʉ kʉ̀ʉ, bɔŋ b̃ʉə ndə bɔ̂ŋ tʉʼ chí mbi kə́ yʉ́ ŋwɔŋ-yʉə hə kəghɔ-LyʉʉhəNyiikə, nɔ tʉʼ chí mbi tʉ́ʼ ndaahə-ʉə bə ndəŋ nubə ndə LyʉʉhəNyiikə tʉʼ bíʼtə.

Mbəŋ-ɛŋ ndə ɔ kə gòʼ təmə mɛ̀ʼtə yi-yə Vaa fɛ, bɔŋ kə kɔ́ ɔ mbɔ b̈ə yí ɔ ndə fɔ-fɛ̀ʼndɛŋ-kə bʉʼka bʉʼʉ bənchəŋ, ɔ kʉʉ kɔ́ fɔbə inchəŋ ghɔ bìa ndəŋ ɔŋ tʉ bʉʼʉ nə tʉʉjyu fe?

Mbʉ kəLyʉʉhə nə mbəŋ-ɛŋ nɔ fúu ghɔkə ghɔŋbə lyʉʉhəkə-ʉʼʉ ndə mənú gwù mbɔ bʉʼʉ nɔ bɛ vâa-Nyii. Bʉʼka bʉʼʉ bɛ vâa-bi, bʉʼʉ bu lʉ̀ yʉʉ ndə biʼbə ndə ɔ kə tʉ́ʼ tʉ bʉə-bi. Bʉʼʉbə Klai bɔŋ-bu-leʼ lʉ̀ yʉʉ ndəŋ biʼbə inchəŋ ndə Nyii kə shʉ̀tə tʉ́ʼ tʉ ɔŋ. Bɔŋ kaʼ bʉʼʉ bɛ ndə məkie məgʉə-e təmə bʉʼʉ nɔ kie ndə mənyíɛ ŋgʉəʼ bʉʼʉ bɔŋ mɔʼɔ.

Bʉʼka bʉə ndə bɔ̂ŋ tʉʼ chí mbi ndə ntɛ ndə bʉəməsʉʉ kʉ̀ʉ nɔ bɛ bʉə-bàa-Nyii bʉʼka bɔ̂ŋ tʉʼ tʉ́ʼ nuʼ-Nyii fɛ, ndə ŋgie-shʉəŋ-kə, bɔ̂ŋ mə nə tʉ́ʼ fɛ.

Fɔbə ndə Nyii chìi nɔ tʉʼ mʉ̀ʉ shʉ́əshʉ́ə ndə mənyíɛ chî-ghɔ̄-kə ndə Nyii bu kɛ̀ʼ vâa-bi.

Bʉʼʉ nɔ kínə lʉ̀ hə ŋgʉʼŋgʉʼhə tə gwè dàa laa mbɔ fɔbə nchəŋnchəŋ ndə Nyii kə chìi, nɔ tʉʼ dùŋtə nə mbʉə liŋnə, nə woke ndə mbʉə-e tʉʼ líŋ ɔŋ ndʉʉ ndə yɔʼ-Nyii-kə nɔʼ byúu ɔ.