ខគម្ពីរពេញនិយមពី Luŋ 3

ចែក​រំលែក

Bʉʼka bʉə bənchəŋ nɔʼ chìi bʉ̂ʼʉ, dɔ̀ŋnə mbʉə məgʉə-Nyii. Bɔŋ bʉʼka buuŋjyu-Nyii ndə ɔ̃ kɔ́ njʉnjʉ, ɔ nɔ chìi bʉə bənchəŋ ndə məbɛ ndyʉndyʉ tʉ ɔŋ tíŋ hə bɔ̌ŋ Klai Jiso, ndə ɔ kə chʉ̀ʼ tʉkə-ʉə.

Ñyii nɔ chìi bʉə ndə məbɛ ndyʉndyʉ tʉ ɔŋ tíŋ hə bɔ̌ŋ məmɔ̀ʼfyii ndəŋ Jiso Klai. Bəkɔ bʉə bənchəŋ kie ŋkwaaNyii tíŋ hə bɔ̌ŋ məmɔʼfyiihə-ʉə ndəŋ Jiso Klai, bʉʼka Nyii kínə túhə shʉ fɛ.

Nyii nɔ kə tə́ŋ Klai Jiso ndə məgwè nə fɔ-fɛ̀ʼndɛŋ-kə mbɔ tíŋ hə bɔ̌ŋ fɔbʉəkə-i bə chʉʼ sʉ̀fyii hə ndəŋ bʉ̂ʼtə-ʉʼʉ, tʉʉ-Nyii bɔŋleʼ bʉ̀nə biʼ bʉ̀ʉ tʉ bʉʼʉ. Bʉʼʉ nɔ kie nubə-ɔ̄ŋ tíŋ hə bɔ̌ŋ məmɔ̀ʼfyii ndəŋ ɔŋ. Nyii nɔ kə chìi yɔ̄ŋ-yə ndə mədʉ̀ʼ mbɔ ɔ nɔ bɛ ndyʉndyʉ bʉʼka ɔ nɔ kə yá fyii-i təmə kɔ́ ŋgʉəʼ tʉ bʉə ndə bɔ̂ŋ kə chìi bʉ̂ʼʉ lʉ̀ hə bəshʉ fɛ. Ɔ nɔ kə chìi yɔ̄ŋ-yə ndə mədʉ̀ʼ mbɔ ɔ bɛ ndyʉndyʉ ndə mbi-ɔ̄ laa, bɔŋ mbɔ ɔ chʉʼ bɛ kʉ̀ʼnə, bɔŋ-kə́-leʼ chìi bʉə ndə bɔ̂ŋ mɔ̀ʼfyiihə-ʉə ndəŋ Jiso ndə məbɛ ndyʉndyʉ.

Bʉʼka wo mə bɛ ndyʉndyʉ shʉ-Nyii mbɔ ɔ tʉ́ʼ nuʼ-Nyii fɛ, bʉʼka nuʼ nɔ bɛ haʼ ndə məŋɔ́ʼhə shʉ bʉə ndə məkínə bʉ̂ʼʉ.

Haʼ ndə bə nyɔ̀ʼ mu ŋwɔʼnə-Nyii mbɔ, “Wo kaa ghɔ ndə ɔ bɛ ndyʉndyʉ fɛ, buŋ laa tə laa mbyu imɔʼ. Mbyu wo kaa ghɔ imɔʼ ndə ɔ kie ndaa fɛ, mbyu wo kaa ghɔ imɔʼ ndə ɔ tʉʼ kʉ́ʉ ndə məbɛ ghɔŋ Nyii fɛ. Bɔ̂ŋ bənchəŋ nɔʼ shìe liɛŋtə-ʉə tʉ Nyii, bɔ̂ŋ bənchəŋ leʼ kwáa nubɛʼkə fɛ. Wo kaa ghɔ ndə ɔ tʉʼ dʉ̀ʼ nuʼ jyujyu fɛ, buŋ laa tə laa mbyu imɔʼ.”

Bʉʼʉ nɔ yá mbɔ w̃o nɔ bɛ ndyʉndyʉ tʉ Nyii tíŋ hə bɔ̌ŋ məmɔ̀ʼfyii ndəŋ Jiso Klai, kaa bə bʉʼka mətʉ́ʼ nuʼ-Nyii fɛ.

I mə nə bɛ nɔ fɛ! Nyii nɔ kie ndə məbɛ haʼ Nyii-shʉəŋ, kaʼ kʉ̀ʉ bʉəməsʉʉ bənchəŋ bɛ bʉə-kəlɛɛŋhə. Haʼ ndə ŋwɔʼnə-Nyii ghɔ̀ŋ mbɔ, “Ndʉʉtəmiyɔŋ ndə a kwə́ʼ bə nyíɛ ŋgiekə-a ndə məbɛ kʉ̀ʼnə, a yú fɛʼɛ-a ndʉʉ ndə bə gɛ̀ nə aŋ mu njaafɛ̀ʼ.”