ខគម្ពីរពេញនិយមពី Luk 14

ចែក​រំលែក

“Kaʼ wotəmiyɔŋ kə́ gwè hə bɔ̌ŋ mɔ, təmə bàa tie-e, bàa ŋkwê-i, bàa vi-i, bàa vâa-bi, bàa bəliŋ-bi tə buŋ kɔmə yi-yə ŋwɔŋ ghɔ fɛ, ɔ mə kʉ̀ʼnə ndə məbɛ vaafɔ̀ʼ-ɔ fɛ.

Wotəmiyɔŋ ndə ɔ gòʼ təmə bɛ̀ʼ tyʉntɔɔnəkə-i, gwè hə bɔ̌ŋ mɔ fɛ, kʉ̀ʼnə ndə məbɛ vaafɔ̀ʼ-ɔ fɛ.

Bʉʼka mbɔ wotəmiyɔŋ ndə ɔ kóʼhə ŋwɔŋ-ɛŋ ghɔʼ bu nyíɛ ŋwɔŋ-ɛŋ sê, bɔŋ wotəmiyɔŋ ndə ɔ shúʼhə ŋwɔŋ-ɛŋ sê, bə bu kóʼhə ɔŋ ghɔʼ.”

Ndʉʉmɛ, wo mu bii ndə ɔ kʉ̀ʉ ndə məbɛ vaafɔ̀ʼ-ɔ nɔ kie ndə məyɔ̀ʼ ghɔkə-i ndə fɔbə inchəŋ ndə ɔ kie.

“Bɛ nda mu bii ndə ɔ kʉ̀ʉ ndə məbɔ́ŋ ŋkwê njaa təmə fəŋ dùʼ sê kwɔ̀ʼtə ntyʉʉ bəfɔ ndə i bu gɛ̀ chɔ, nyíɛ mbɔ ɔ kie fɔkə ndə məlìʼ mbʉ fɔʼɔ chɔ mɛ? Byuunɔ, təmə ndʉʉ ndə ɔ bu yiesê-e liʼ, mùutə ndə məmìʼtə mbʉ fɔʼɔ kəŋkaa nɔ, bʉə bənchəŋ ndə bɔ̂ŋ nyíɛ bu kə́ dʉ̀ʉhə ɔŋ, kə́ ghɔ̀ŋ mbɔ, ‘Wo-ɔ̄ chʉ́ʉhə məbɔ́ŋ njaa mùutə ndə məmìʼtə kəŋkaa.’

Kaʼ bɔŋ bɛ le a kie nchəŋtə, ä kɔ̀ʼnə bʉə-kəbyuu, bəlɛŋ, bəŋkwɛʼfʉəŋ, bəfʉ̀əŋtəshʉ, nə yɔŋ-yə, Nyii bu bìʼ a bʉʼka mbɔ bɔ̂ŋ kie fɔkə ndə məlɔ̀ʼ a chɔ fɛ. A bu yi kie lɔʼɔbə-a hə kəghɔ-Nyii ndʉʉ ndə bʉə-Nyii ndə bɔ̂ŋ bɛ ndyʉndyʉ bu bʉ̀nə kóʼ.”

“Chʉəʼ nɔ bʉ̀ʉ, bɔŋ kaʼ məsʉ́ʼnə-i mì, bə chìi təka i bu bʉ̀nə kə́ sʉ́ʼnə? I leʼ kie nubɛʼkə ndə məchìi mu kəchɔʼ fɛ, byuunɔ ndə məbɛ ŋkwoŋkwo fɛ. Bə mɛ̀ʼ. Wotəmiyɔŋ ndə ɔ kie tyunəkə ndə məyʉ́, ɔ̈ yʉ́.”