ខគម្ពីរពេញនិយមពី Genèse 17

ចែក​រំលែក

Abram déè nè pè mbéa‐pome‐kè‐pèlè‐pome hi, nè Seigneur p’a, to oui̱ne h’a, ègui̱: Mi nè Nzapa ngaïli‐nè‐oli. Mè hèkè nè bali‐m’ nè bolèn.

Ouo̱ tè sa mè nè Abram go; nè yini mè nè Abraham è, nèdaka no‐m’ tè é mè nè sème ko dèlè bala nouli̱ o ouinè.

Nom’ tè dè mo alliance da mi do mè hi, do bala‐pata mè o, nè nou‐pè ndo ouo̱ tè mono nè touni o hi: nè alliance hi tè sa go, nèda mo hi, nomo no‐m’ tè dè nè Nzapa ko‐mè do bala‐pata ino‐o pata mè hi.

Mè joko alliance, ko‐m’ déè do mè hi. Mè tè dè sème ko ba doko dèlè bala nouli̱ ouinè.

Nè Nzapa to oui̱ne h’a, ègui̱: Nè bara oui̱ne Sara, ko no‐mè, hè ko bi̱‐oui‐ouili pome do mè; no mè é yin’a nè Isaac. No mi dè alliance do a, nè alliance hi tè sa go do bala ino pat’a hi.

No‐m’ tè ha ho mè, do ino‐o pata mè hi, nè pome nou no mè o̱ sènè hè guène go hi, nè nè ba doko nou Canaan hi, h’ènè‐o, kè nè mo k’ènè‐o doumè, ko‐m’ déè Nzapa k’ènè‐o.

Nè Abraham ho lônou di bali è hi; chi guènè mama‐mamou, n’a to oui̱ne nè ko sèl’a, ègui̱: Oui‐ouili pé a pèlè pome hè ko bi̱‐oui‐ouili pome ndi? dè Sara nè pé a boua‐mbéa‐pome‐kè‐bou hè ko bi̱me ndi?

Nè Nzapa to oui̱ne hè Abraham, ègui̱: Mè ya sa yini ko no‐mè nè Saraï nè; nè yin’a nè Sara è.

Mè, mè gono ndara‐tè‐mourou mè; kè è oussou nè alliance ko‐m’ do mè.

No mi tè dè alliance bo dè Isaac, nè Sara tè ko do mè nè pome ji k‐è nè nou‐pè da h‐è.

Nè yè pakana hi, n’ènè gono ndara‐ti‐mourou ho ba doko oui‐ouili o nè oli bo̱bo̱’nè‐o hi, nè nou‐pè n’ènè tè mono nè touni o hi, ndo ino‐o ndo ouo̱ kouo nè ko toa hi, do ino‐o ndo ouo̱ héè nè ngui̱nzè bo̱ bi̱‐oui‐ouili ko guène o, nè bènè bala nouli̱ bo‐mè go hi. N’ènè gono ndara‐tè‐mourou ho ba doko oui‐ouili o nè oli n’ènè tè ko o hi, do ino‐o n’ènè tè hè nè ngui̱nzè hi; alliance ko‐m’ tè o̱ nè mourou tè’nè‐o, nè nè alliance nè tè sa go hi.