ខគម្ពីរពេញនិយមពី သျှင်လုကာ 17

ចែក​រំលែក

ကိုယ်တော်က သူကို ဆက်ပြီးကေ “သင် ထဗျာလ် လားလီဖိ။ သင့်ယုံကြည်မူက သင့်ကိုကျိုင်းမာစီပါဗျာလ်” လို့ မိန့်တော်မူလီရေ။

သူရို့က တစ်ရက်တည်းမာ သင့်ကို ခနစ်ကြိမ်တိတိ ပြစ်မှားမိလို့ အခေါက်တိုင်း သင့်ဘားကိုလာဗျာလ် ‘ကျွန်တော် နောင်တသံဝေဂ ရပါဗျာလ်’ လို့ ပြောကေ သူ့ကိုခွင့်ရွှတ်ပီးရဖို့” လို့ မိန့်တော်မူလီရေ။

ယင်းသူရို့ထဲက တစ်ယောက်က အနာကြီးရောဂါကောင်းလားစွာကို မြင်ရေအခါ အသံအကျယ်ကြီးနန့်ဘုရားသျှင်ကို ချီးမွမ်းပူဇော်ပနာ ကိုယ်တော်ဘားကို ပြန်လို့လာပါရေ။ ယေပြီးကေ သူက ကိုယ်တော်၏ရှိ့မာ ဒူးထောက်ပနာ ကိုယ်တော်ကို ကျေးဇူးတင်လီရေ။ ယင်းသူက ရှမာရိနယ်သားတစ်ယောက်ဖြစ်တေ။

ယေတွက်နန့် သင်ရို့ ကိုယ်လုပ်တေအရာတိကို သတိထားဗျာလ်ကြည့်ကတ်ပါ။ သင့်ညီအစ်ကိုမောင်နှမတိ အပြစ်လုပ်မိကေ သူ့ကို ဆုံးမသွန်သင်ပါ။ သူရို့နောင်တသံဝေဂရကေ သူရို့ကိုခွင့်ရွှတ်ပီးကတ်ပါ။

ယေခါ ကိုယ်တော်က “အနာကြီးရောဂါကောင်းလားရေ လူ ဆယ်ယောက်မဟုတ်လား။ အရာလူကိုးယောက်က ဇာမာလဲ။

ယေတွက်နန့် ကိုယ်တော်ကလည်း “သင်ရို့မာ မုန်ညှင်းစိလောက်ငယ်ရေ ယုံကြည်ချက်ဟိကေ ဒေအပင်ကြီးကို အမြစ်ပါကျွတ်ဗျာလ် ပင်လယ်ထဲမာ ပေါက်စီလို့ အမိန့်ပီးလိုက်ကေ ယင်းအပင်က သင်ရို့အမိန့်ကို နာခံလိမ့်မေ။

အကြောင်းရင်းက ဇာသူမဆို ကိုယ့်အသက်ကို ကယ်ချင်သူတိက ယင်းအသက်ကို ဆုံးယှုံးရလိမ့်မေ။ ဇာသူမဆို ငါ့အတွက်နန့် ကိုယ့်အသက်ကို စွန့်သူတိက နိစ္စထာဝရအသက်ကိုရဟိလိမ့်မေ။

ယေပြီးကေ ကိုယ်တော်ယေရှုက တပည့်တော်တိကို “လူတိ အပြစ်ဒုစရိုက် လုပ်မိစီရေအရာတိ အများကြီးဟိပါရေ။ ယေကေလည်း လူတိကိုအပြစ်လုပ်မိအောင် နှိုးဆွပီးရေလူတိက ဒုက္ခရောက်ကတ်လိမ့်မေ။ အပြစ်မဟိသူတစ်ယောက်ကို အပြစ်ဒုစရိုက် လုပ်မိစီအောင်လုပ်ဖို့အစား ကိုယ့်လည်ပင်းမာ လီးရေကျောက်တုံးကိုဆွဲဗျာလ် ပင်လယ်ထဲကို ခုန်ချလိုက်စွာကရာ ပိုလို့ကောင်းပါလိမ့်မေ။

နောဧလက်ထက်က ဖြစ်ခရေပိုင် လူ့သားတော်ကြွလာရေ အခါမာလည်း ယင်းပိုင်ဖြစ်ပျက်လိမ့်မေ။ ရီကြီးလာဖို့ဗျာလ်ဖြစ်လို့ နောဧက သင်္ဘောထဲကိုဝင်ရေနိန့်အထိ လူတိက စားဗျာလ်၊ သောက်ဗျာလ်၊ သမက်တက်ပွဲကျင်းပဗျာလ်၊ ပီးစားလိုက်နန့် နီကတ်လီရေ။ ယေနန့် ရီကြီးလာရေခါ သူရို့အားလုံးက သီလားကတ်ရလီရေ။