ខគម្ពីរពេញនិយមពី သျှင်လုကာ 14

ចែក​រំលែក

သင်ရို့က ငါ့တပည့်တိဖြစ်ချင်ကေ “သင်ရို့က ကိုယ့်အမိဖ၊ မယား၊ သား၊ သမီး နန့်ညီအစ်ကို မောင်နှမတိအပါအဝင် ကိုယ့်ကိုယ်ကိုထက်တောင် ငါ့ကို ပိုလို့သျှစ်သင့်ရေ။ ယင်းပိုင် မဟုတ်ကေ သင်ရို့က ငါ၏တပည့်တော် ဖြစ်လိမ့်မေမဟုတ်။

ကိုယ့်လက်ဝါးကပ်တိုင်ကို ကိုယ်ထမ်းဗျာလ် ငါ့နောက်က မလိုက်နိုင်ကေ ငါ့တပည့်တော် မဖြစ်နိုင်ပါ။

ဇာတွက်နန့်ဆိုကေ မိမိကိုယ်ကို အမွန်းတင်ရေလူတိုင်းက နှိမ့်ချစွာကို ခံရပြီးကေ မိမိကိုယ်ကို နှိမ့်ချရေလူတိုင်းကလည်း ချီးမွမ်းစွာကို ခံရဖို့အတွက်နန့် ဖြစ်တေ” လို့ မိန့်တော်မူလီရေ။

ယင်းနည်းတိုင်းဗျာလ် သင်ရို့မာဟိသမျှ ပစ္စည်းဥစ္စာတိကို မစွန့်လွတ်နိုင်သမျှ ငါ၏တပည့်တော် မဖြစ်ပါနိုင်” လို့ မိန့်တော်မူလီရေ။

သင်ရို့ထဲက တစ်ယောက်ယောက်က မျှော်စင်တစ်ခုကို ဆောက်ဖို့ဆိုကေ ယင်းမျှော်စင်ပြီးအောင် ဆောက်ဖို့အတွက် ဒင်္ဂါးလောက်ငမှု ဟိ မဟိကို သိအောင် ပထမဆုံး ထိုင်ဗျာလ် ဇာလောက်ကုန်ဖို့ဆိုစွာကို မတွက်ဘဲမနီ။ တကယ်လို့ ယင်းပိုင် မတွက်ထားကေ သူက အုပ်မြစ်ချပြီးကေ မျှော်စင်ကိုပြီးအောင် ဆောက်နိုင်ဖို့ မဟုတ်ပါ။ ယင်းချင့်ကို မြင်ရေလူတိလည်း သူ့ကို သရော်ပနာ ‘ဒေသူက မျှော်စင်ကို စလို့ဆောက်နိုင်ကေလည်း ပြီးအောင် မဆောက်နိုင်လား’ လို့ ပြောကတ်လိမ့်မေ။

ယင်းအစား သင်က အစားအသောက်ကျွေးမွေးရေအခါ ဆင်းရဲသားတိ၊ ကိုယ်အင်္ဂါချို့ယွင်းသူတိ၊ မစွမ်းပြင်းသူတိ၊ မျက်ကန်းတိကို ဖိတ်ပါ။ သင် ယင်းပိုင်လုပ်ကေ သင့်က မင်္ဂလာဟိလိမ့်မေ။ ဇာတွက်နန့်ဆိုကေ သင်ဖိတ်ထားသူတိက သင့်ကို ပြန်လို့ မကျွေးမွေးနိုင်ရေအတွက်နန့် ဖြစ်တေ။ ယေကေလည်း ဘုရားသျှင်က ဖြောင့်မတ်သူတိ သီပြီးကေအသက်ပြန်ရင်လာစီရေအချိန်မာ သင့်ကို ကောင်းကျိုးချမ်းသာပြန်ပီးပါလိမ့်မေ” လို့ မိန့်တော်မူလီရေ။

ကိုယ်တော်က ဆက်ပြီးကေ “ဆားက ကောင်းမွန်ပါရေ။ ယေကေလည်း ဆားက အငံဓါတ် ပျောက်လားကေ ပြန်လို့ငံအောင် ဇာပိုင်လုပ်နိုင်ဖို့လဲ။ ယင်းဆားက မြီကြီးအတွက်ဖြစ်စီ၊ မြီဩဇာအတွက်ဖြစ်စီ အသုံးမဝင်လို့ အပြင်ကို စွန့်ပစ်လိုက်လိမ့်မေ။ နားဟိပြီးကေ နာယူနိုင်ရေလူတိ အာရုံစိုက်လို့ နားထောင်ကတ်ပါ” လို့ မိန့်တော်မူလီရေ။