ខគម្ពីរពេញនិយមពី Johon 21

ចែក​រំលែក

Bok chapalaikhalai Jisu Simon Pitornw sakha, "Johonni basa Simon, imwrokni naywibw nwng tama Anw kabang hamjagw?" Simon Pitor Bwnw sakha, "Owk, Subrai, Nwng siyw Nwng Ani bwswk khajani." Jisu bwnw sakha, "Ani mera basaroknw bengdi." Jisu arwbw bwnw sakha, "Johonni basa Simon, nwng tama Anw hamjagwdwi?" Simon Pitor Bwnw sakha, "Owk, Subrai, Nwng siyw Nwng ani bwswk khajani." Jisu bwnw saba, "Ani meraroknw naidi." Jerw Bw remtham palagw Simon Pitornw swngkha, "Johonni basala Simon, daijw Ang tama nini khajanidwi?" Pitor taboklai duguchak ongkha, tamni hinba Jisu arwbw remtham palani kosol swngkha, "Daijw Ang tama nini khajanidwi?" Obwni bagwi Pitor Jisunw saba, "Subrai, Nwglai jotho siyw, Nwnglai siyw Nwng ani bwswk khajani." Jisu bwnw sakha, "Ani meraroknw charwdi.

Ang nwnw daijw sadok, nwng jephuo chakwlwi aiphuo ninibai nwngse jugaljao arw nwng jerw thangni muchu sirw thangw. Matwr nwng jephuo bura ongnw aiphuo nwng nini yak honw tei arw kaisa nwnw jugalrwnw arw nwng jerw thangni naigalak sirw tilangnw."

Jerw Jisu boknw sakha, "Rungni yagara phaising jal khibidi, aa mannw." Aiphuo bok jal khibikha, tei iswkjora aa kakha je bok o jalnw swgwi rungw tisamanliya.

Simon Pitor boknw sakha, "Ang aa rumni thangdok." Bok sakha, "Chwngbw nwngbai baksa thangni." Ephuo bok rungw kakha, matwr o horw masabw rumajiya.