ខគម្ពីរពេញនិយមពី Johon 15

ចែក​រំលែក

"Angse uamtwi bophang, tei nokh bini bedek bophara. Nokh jwtini Ani bisingw tongw arw Ang nokhni bisingw tongw, halai nokhni langmagw kabang bathai thainw, tamni hinba Ani bader nokh mwngsabw khalaimanya.

Ani bisingw tongdi tei Angbw nokhni bisingw tongnw. Uamtwi bophangbai bedek jekhalaywi khaphagwi tongya khlai saknibai sak bathai thaimanya obwtwijar khalaywi Ani bisingw tongya khlai nokhbw saknibai sak bathai thairwmanya.

Nokh Ani bisingw tongkhalai tei Ani kokrok nokhni kha bisingw tongw hingkhalai nokh jebwnw bini muchuk obwnw bidi arw nokhni bagwi obwnw khalainw.

Nokh Anw saywi lajiya, matwr Angse nokhnw saywi lajak tei samung tangni bagwi chongkha, nokhni langmagw alok bathai thainaitwi tei o bathai darogwi tongnaitwi. Halai Ani mwngwi jebwnw binw Apha nokhnw obwnw rwnw.

Kaisaswk bini aphakni bagwi bini sakni langmanw rwgw hingklai oboni naiywi kotor hamjakma arw kwrwi.

Ani bathai thaiya bedekroknw Bw tanwi rwgw, arw je bedekrokgw bathai thai omoroknw Bw sap khalaywi tonw jate kabang khalaywi bathai thainaitwi.

Imw ongkha Ani tholma, Ang jekhalaywi nokhnw hamjajak obwtwijar khalaywi nokhbw kaisabai kaisanw hamjaklaidi.

Jwtini nokhni langmagw kabangma khalaywi bathai thaikhalai arw aikhalaywi nokh saknibai saknw Ani sagri hinwi majri khalaiyw hingkhalai Ani Aphani chwngchuk ongnw.

"Angse jaijaini uamtwi bophang tei Ani Apha barini hachua.

Kaisaswk Ani bisingw tongya hinkhlai bw bathai thaiya bedekni kosol phatarw khibiywi hojagw tei obw ranwi thangw. Aiphuo o bedekroknw thumwi horw sogwi hogw arw obwrok khamwi thangw.

"I jotho kokroknw nokhnw sakha jate Ani tongthokma nokhni kha bisingw tongnaitwi arw nokhni tongthokma kwpwlwng ongnaitwi.

Ang Ani Aphani jotho tholmanw paleywi jekhalaywi Bini hamjakmani bisingw tongkha, obwtwijar khalaywi nokhbw Ani tholmanw paleo hingkhalai nokhbw Ani hamjakmani bisingw tongnw.

I tholmanw Ang nokhnw rwdok, nokh kaisabai kaisa hamjaklaidi.

Nokh i hayungni hingtilai borogrok nokhnw bokni takhuk bukhuk hinwi hamjakhamw. Matwr nokh i hayungniya, arw Ang nokhnw hayungni saywi lajak hinwi i hayungni borogrok nokhnw naisligw.