ខគម្ពីរពេញនិយមពី Rô-ma 1

ចែក​រំលែក

Biak rei, dahlak ôh mưlau mưlit di Khao Siam ô, kaywa sani nạn gon xagta anưd Pô Lingik piêh dong abih drei dial, dahlau nạn mưnuix Yo Thaic, hadei nạn mưnuix Bôl-Lingiu.

Kaywa dalam Khao Siam ni, gruk kahanôt Pô Lingik bihu sahadah mưng sagar tal sagar, yau hu panôic vak: “Mưnuix kahanôt mưca diup kaywa sagar.”

Dôm haget ka Pô Lingik bloh mưta haram ôh ƀôh bihu, ar nạn gon xagta rit rai thong yang mưnuh Bhô, yơ mưng vār padak padang dunya mưnuix urang krung hu thwat tik jalang jalôi tuk glang pachang dôm pakar bwak, nan yơ khol nhu ôh mưda kamlah bihu.

Kanê krung hu thau Pô Lingik, khol nhu jang ôh ciup papôk glong Bhô nạn Pô Lingik thong ôh đwa karun Pô, min kưk mưnưgxa bal glai; tung tian gila gilap gilaic jiơng xup palup.

kaywa khol nhu krung hu xalih tantu Pô Lingik piêh mưk gruk lor kator; khol nhu xambah thong ragxa pakar bwak kala kaywa Dê Xapajiơng, nạn Bhô đang bihu pôk mưyom rit rai! A-men.

Binhôr dangih mưkek Pô Lingik mưng thôr riga bihu sahadah piêh mưradhag vơk abih gruk blơk lôg thong xag mưjưy anưd dôm ra angui gruk xag mưjưy bloh gam tatơk tantu.

Kaywa êng di gađi gadha nan bloh Pô Lingik krung hu klāk cek khol nhu ka mưyut mưyau đang tachaup ƀok. Êng urang kamei lijang krung hu xalih ganap yut phiap tapa ganap yut mưgilaic phiap. Urang likei lijang yau nan, klāk ganap yut lingai phiap thong urang kamei bloh hakul cuh mưyut mưyau thong gaup, urang likei ngak kabha tachaup ƀok thong urang likei, êng khol nhu mưca xang ciup gruk pamưk tamar lek thong gaup thong gruk xuk calah drei. Kaywa khol nhu ôh lo krưn thau Pô Lingik, nan ka Pô Lingik krung hu klāk cek ka tha mat ar pran pao piêh ngak kabha ôh lek thong gaup.

Khol nhu êng tao drei nạn jag karag, min krung hu gilaic jiơng hanrôi taba bloh. Khol nhu krung hu xalih xêh mưlang Pô Lingik bhian diup piêh mưk thek hayap mưrôxak pao tayah, ngan anưd cim parim, athur bhiêp, hai pukar kalan rôi.