ខគម្ពីរពេញនិយមពី Rô-ma 12

ចែក​រំលែក

Khơơm kơơt tênh kmlơt rêh au, dôh phrui kươt pơrgơl đươm baak gơl mhei gơrninh bơn ri, jah chưrleek êch laa rnđêch klanh room, prơơi chưt u sơp grơp Brah Ưn ri.

Bei nei ơi oh bi, đươm baak gmaak Brah Ưn ri, hei dan jjuh oh bi piyơ chhak jan bơn lơh pai thwaai rêh, sêch jrah u klanh chưt Brah Ưn, nei laa baak tư wơơl dơrnip oh bi ri.

Phrui broh s'bai knông kơndưng, pơrkhom knông r'baak, jap chưt baah r'bon dan.

Khơơm teq ntil đơơk jn'ah nơơm, dôh phrui pơih ntil klanh jn'ah ntil đơơk.

Phrui ta srlanh mbeet mbei bei oh bi; phrui leq chưt ta đing pôl.

Baak srlanh phrui ngan nguôn. Phrui jrơơk jrơơm ntil ap, ta tưt n'hai ntil klanh.

Mơq awap kươt, phrui leq kmlang rêh ta tưt n'hai jôm bnih.

Ơi oh bi êch srlanh, koon ti nơơm khơơm ta taang 'bơơn, dôh phrui drôm aan baak hao nuih Brah Ưn ri; đươm geh baak Brah lah: “Baak ta taang pơơn teq u Hei, Hei a kươi kah rmal.”

Phrui sang rmeh, khơơm a jrook; phrui geh chưt kmlơt ngech rmeh; phrui jraih kaar Brah.

Đươm chkhôm brêêng smlaang ja ươn hei, hei mor n'hai jôm bnih knông oh bi, khơơm gênh prêh ir teq u chhak nơơm, dôh phrui gênh leq chưt, tênh baak gưt jhai chưt jơrnơ baah Brah Ưn ja ươn di mbu muôi.

Khơơm pơih đơơk kah đơơk aan 'bơơn; phrui chmlam lơh ntil klanh di mat jôm bnih.

Phrui rêh ta tưt tơrnang nơơm; khơơm geh gơrninh nhjơơl, dôh teq nơơm n'hai pal bnih rêh dêh. Khơơm aan êêng nơơm laa bnih jhai rpech.

Dôh, “mơq pal kmang oh bi plah nh'hit, phrui aan bu sa; mơq plah nh'hiêr, phrui aan bu ôn; đươm lơh bei nei êêng ơơn bei oh bi dơih ôinh rnga lơ bôôk bu.”

Phrui chak smlaang aan bơl nhôp kơt oh bi; phrui chak smlaang, khơơm pơđaai sa. Phrui broh n'hai bu broh, nhim n'hai bu nhim.

Phrui ta toon ntil rn'êch aan bơl koon sơih; phrui leq chưt wơơt blap.

Rkhơt bei knông di chhak jan, bơl bơn geh ơk jơng ti, u pal jơng ti 'bưn geh pôl mlơm kaar lơh; nei kot bei nei, bơl bơn paich ơk bnih, dôh dơơn laa mlơm chhak knông Yaang Krist; jôm bơl bơn kot lah jơng ti ta pôl.