1
Ma-thi-ơ 5:15-16
Sm'bưt Brah Pơrnơn Mhei
SBL2024
'Bưn 'bơơn kkaat đeng baah dơih a teh krôôm thông, dôh dơih lơ jơng đeng jah yơr sm'baang jôm bnih knông nhi. Kot bei nei, rơn aang bơl 'bei phrui yơr aang di mat jôm bnih, jah bu sau pal kaar lơh klanh bơl 'bei u pơt wơơl Bươp bơl 'bei a lơ trôôk.”
ប្រៀបធៀប
រុករក Ma-thi-ơ 5:15-16
2
Ma-thi-ơ 5:14
Bơl 'bei laa chrah aang aan swich teh. Di poh sun lơ bnơm nei 'bưn geh km'ang kươt.
រុករក Ma-thi-ơ 5:14
3
Ma-thi-ơ 5:8
Smlaang aan pal bnih geh chưt sêch jrah, Đươm a kươi sau Brah Ưn!
រុករក Ma-thi-ơ 5:8
4
Ma-thi-ơ 5:6
Smlaang aan bơl bnih nh'hit nh'hiêr baak sêch song, Đươm a kươi kươt hơơm!
រុករក Ma-thi-ơ 5:6
5
Ma-thi-ơ 5:44
Dôh Hei lah bơl 'bei: Phrui êch srlanh bơl kmang u r'bon dan aan bơl nhôp kơt bơl 'bei
រុករក Ma-thi-ơ 5:44
6
Ma-thi-ơ 5:3
“Smlaang aan pal bnih l'ơơi rngiêl chưt nuih, Đươm nggoor trôôk pơơn teq u bu!
រុករក Ma-thi-ơ 5:3
7
Ma-thi-ơ 5:9
Smlaang aan pal bnih ta krôih, Đươm a kươi kươt chôôl laa koon Brah Ưn!
រុករក Ma-thi-ơ 5:9
8
Ma-thi-ơ 5:4
Smlaang aan pal bnih nhim ngliêng, Đươm a kươi kươt nđum nđiêng!
រុករក Ma-thi-ơ 5:4
9
Ma-thi-ơ 5:10
Smlaang aan pal bnih dol nhôp kơt đươm baak sêch song, Đươm nggoor trôôk pơơn teq u bu!
រុករក Ma-thi-ơ 5:10
10
Ma-thi-ơ 5:7
Smlaang aan pal bnih geh chưt gmaak, Đươm a kươi kươt gmaak!
រុករក Ma-thi-ơ 5:7
11
Ma-thi-ơ 5:11-12
Smlaang aan bơl 'bei tơt đươm Hei baah bơl 'bei dol jôm bnih jam joot, nhôp kơt, pnđing sơp baak ap. Phrui broh s'bai chham rơơn, đươm tkôm bơl 'bei ri a lơ trôôk laa ttih đat; đươm yau grnưt noor di mat bơl 'bei kot ja dol nhôp kơt bei nei.”
រុករក Ma-thi-ơ 5:11-12
12
Ma-thi-ơ 5:5
Smlaang aan pal bnih l'ưt lmư, Đươm a kươi dơơn ryơơng teh!
រុករក Ma-thi-ơ 5:5
13
Ma-thi-ơ 5:13
“Bơl 'bei laa boh teh ri, dôh mơq boh saap ttiat nei lơh bei êch aan ttiat kươi kươt? Boh nei but 'bưn til, phrui jang teq u dol bu nday jaq a jơng.
រុករក Ma-thi-ơ 5:13
14
Ma-thi-ơ 5:48
Bei nei bơl 'bei phrui mơ klanh rliêp bei Bươp bơl 'bei a lơ trôôk laa klanh rliêp.”
រុករក Ma-thi-ơ 5:48
15
Ma-thi-ơ 5:37
Dôh dơơn mor: ‘Dip, dip’ paich ‘'Bưn, 'bưn’ laa sơp. Nha top chhem ntil ơơn laa đươm lôh a chaak ap.
រុករក Ma-thi-ơ 5:37
16
Ma-thi-ơ 5:38-39
Bơl 'bei geh iat baak kne laah: ‘Mat soong mat, chhêk soong chhêk.’ Dôh Hei maanh bơl 'bei: Khơơm ta wal bơl đơơk. Mat baah kơơi, mơq 'bơơn taap bom mak ma, phrui ndơơp broih bom mak tôw aan bnih nei
រុករក Ma-thi-ơ 5:38-39
17
Ma-thi-ơ 5:29-30
Mơq pi mat mak ma lơh 'bei geh dôih, phrui glach u jang teq ơơi! Đươm n'hop n'hal 'bei saap di bôh chhak jan nha huôih laa sơp leq chhak jan dol jang teq u gưndrung ôinh. Mơq ti ma 'bei ri rook aan 'bei geh dôih, phrui paang u jang teq ơơi! Đươm n'hop n'hal lơh 'bei saap di bôh chhak jan huôih laa sơp leq chhak jan phrui jang teq u gưndrung ôinh.
រុករក Ma-thi-ơ 5:29-30
គេហ៍
ព្រះគម្ពីរ
គម្រោងអាន
វីដេអូ