ខគម្ពីរពេញនិយមពី Ma-thi-ơ 21

ចែក​រំលែក

Tơt bơl 'bei r'bon dan, paich ntil ơơn bơl 'bei pơih chưt jơrnơ jah r'bon dan kot a kươi pơih kươt leq.”

Brah Jê-sus ơh: “Ngan, Hei maanh bơl 'bei, mơq bơl 'bei geh chưt jơrnơ u 'bưn dơơn nggich nggưl nei bơl 'bei kot lơh kươt pal ntil Hei ja lơh aan tơơm lwi au đêêl, baah leq dơng kaar maanh rklôw bnơm au laah: ‘Phrui lơơk hao nơơm u jroh jưr daak rmưt’ nei ntil nei a kươi kot lôh tơt.

Phung bnih, bơl han a mat, bơl han kươi kot troh grơơw: “Hô-sa-na koon Đa-wit ri! Tư wơơl Yaang tơmoh chhak Brah baah lôh! Hô-sa-na lơ ktôk prêh huôih!”

Pang lah n'hai bu: “Geh baak 'bian: ‘Nhi Hei a kươi kươt chôôl laa nhi r'bon dan’, Dôh bơl 'bei lơh ktôk nei but rung ttung lmuôich.”

“Phrui mor n'hai koon ur Si-ôn laah: Tôw, snđach 'bei lôh han tơt 'bei, L'ưt lmư, jih seh kroih, U gôq lơ seh kroih koon, laa koon seh kroih baang ri.”

Brah Jê-sus lah n'hai bu: “Bơl 'bei ndah khal êch chôôl baak au knông Sm'bưt Brah laang: ‘Rklôw tmau dol rak mon sun thot teq Ja but tmau bôôk tơơm nhi; Au laa kaar Brah lơh, U nei laa baak êêng aang di mat bơl bơn’?

Bei nei mơ, Hei lah n'hai bơl 'bei, nggoor Brah Ưn a kươi dol prap rlach bơl 'bei u ươn di raih êch a kươi liêu play kao siq aan nggoor nei.