ខគម្ពីរពេញនិយមពី Roma 2

ចែក​រំលែក

Piru ondoy ka man nod hukum to taddot pinuungan to duma, no iling dad me-en tadda kos pinuungan du? Saddook od popoomdom ka no pomon to kopiyannoy to Monama, mowwet kos posinsya woy kodti-is din, no kunan du kod pokolegguang ka taddot kodsilut din. Waa ka vo nokosaddoo no iddos unayan nid pokita to Monama kikow iddos kopiyannoy rin, amoy duwon pa timpu ru nod sondit woy'd tanan to mgo saa ru?

Na, saddook duwon od ikahi no ollog en nod silutan to Monama iddon morat no mgo minuvu. Piru sikkow nid oseng to ungketen, bantoy ka, su id hukuman du mandad kos ko-ugolingun du, oyyos ungketen dad en mandad kos pinuungan du.

Oyyos waa od podmusingon to Monama.

Su konna iddos od pominog da to mgo Suhu kos od komotallong diyot kod-ontong to Monama, ko konna, iddos od tuman tadda.

Oyya su iddos Monama, od boggoy to ollog no ganti riyot ipat sokkad no minuvu loppa taddot nopuungan din.

Piru atag taddot mgo minuvu no iyon dan od poomdommon iddos kandan no kopiyannan, woy od elleyan dan iddos kovonnaan amoy'd puung to morat, od kosahapan dan en iddos lampas no langot to Monama.

Piru pomon to motoggas man kos uu ru woy dii ka od sondit, id podluntudluntud du kos langot to Monama kikow riyot od ingumon allow nod hukum don sikandin. To iddon allow, od kokita to langun iddos ollog no kodhukum din.