ខគម្ពីរពេញនិយមពី An Roma 8

ចែក​រំលែក

Na napk az Sila ta de̱l c'rihi kwe̱ c nok i'kasi baa an ta to̱n na̱, au po̱gin ho̱d a se̱e̱pste̱ine.

Rema̱n a̱m napk a̱nmin de̱bc ri, az za a'wa̱a̱ da. Za c'nocurimu da. Za comta̱nc Na'Sil alla rinnas'ce da. Za la rihica̱n rein a̱nta̱ma̱ alla rihica̱n lain alla kooye̱ goon we̱sma da. Za la u'ho̱po alla u'pimu alla rihic hyan ca̱n Sila balin kwe̱ da, a̱n ca̱n hweks a̱n wankse cinna a to̱nca̱n Sila reina̱n to̱na̱m na. To̱nca̱n Ye̱so Ka̱risti Kan buu cinna kwesain na.

I ho̱da̱n lo bo̱ ta̱m a̱n Hora̱md Na'Sil retin ta̱d se̱e̱te̱ cinna va̱na̱n na ka̱la̱nna̱ini. Rema̱n a̱n na nap rina̱n i ge̱be̱se̱in na kon A'Sil da. Hora̱md Na'Sil a̱n hid da̱, el la da̱n kwena na a̱n s'o̱n ho̱da̱n na zattina̱n la̱a̱ma̱n kon da.

Iye̱ bo̱ kaa a̱n nan ze rema̱n rihica̱ hna? Awaz Sila el d'kut a cinna na, iwe̱ a̱n gubin u ryaa na a̱n d'gaago?

Rema̱n taanlo, Sila a ta geda an reina̱n d'sa̱ma̱nc a Ka̱risti Ye̱son lalk az na hwaa na̱ da.

De̱bc ka c'ko̱to, ca̱n cet o na'wa̱a̱. De̱bca̱n reina̱n gabma̱n rina̱n Hora̱md Na'Sil zein la, ca̱n san u'po̱to a la̱ta̱m c'de̱b ne̱.

Go̱t la baan rihica̱ ha̱n kwe̱, na hatk an ryain d'gaago, rem kan to̱nin na.

A̱m napk az a nan hwennsa kobda̱n na rein nu'ryau a̱nta̱ma̱, a gwinka̱n nan buka kum da.

Iye̱ bo̱ kaa in ti hweks a̱n wankse cinna a to̱nca̱n Ka̱risti reina̱n to̱na̱m cinna na? I ryaaka̱ d'kobe? I d'o̱so̱mo̱? I mere? I d'robame? I gelva̱n naam d'hwen alla i a'wa̱a̱?

Sila nan rein ta he̱n de̱bc neta̱n kwe̱, a napk rina̱n Hora̱md Na'Sil rein na̱m'to̱no̱. Rema̱n Hora̱md Na'Sil el da̱n kwena netna Na'Sil ho̱da̱na̱n Sila to̱ntine.

Rema̱n geda̱n an Hora̱md Na'Sil rein nu'gabt kwe̱, i na̱nna a̱n rein akna Na'Sila̱.

Rema̱n an reina̱n c'nocurimu a̱n gabma̱n de̱bca̱ c'nocurimu ca̱ c'ko̱to, ta de̱l c'de̱b a̱n rihica̱ c'nocurimu. An rein la a̱n c'nocurimu a̱n gabma̱n Hora̱md Na'Sila̱, ta de̱l c'de̱b a̱n rihica̱n Hora̱md Na'Sila̱.

Awaz Sila ta hol na Waav na̱ da, a neska o rem cinna kwe̱, iye̱ kaa a̱n ti hol na̱ a sud a̱n ne̱e̱ na c'rihi kwe̱ ba̱ta̱ss?

Hora̱md Na'Sil a hora̱md cinnan vatk az i cinna akna Na'Sila̱. Ai retin i cinna akna Na'Sila̱, i cinnan nan kum u'yob baan rihic Na'Sila̱. An ta kum u'yob d'kut a Ka̱risti ni. Awaz i taanlo, a na ryaa d'kob d'kut a Ka̱risti ni, Sila ta ne̱e̱ na k'gwin d'kut a unwa na.

De̱bc ka c'ko̱t el a̱n ha̱lc Na'Sila̱, a ca̱n gab giiras Na'Sil da. A ti ema ta̱m c gab sa̱ da.

Rihica̱n Sila balin kwe̱, ca̱ savk c'de̱b na̱m'val a̱n s'za̱ki, az Sila kwesa an rein aka̱n na̱.

Rema̱n na napk az rihica̱n Sila balin kwe̱, ca̱ el v'daa a̱n s'unt a̱n ta̱uda̱n ka̱ng ho̱d netav nu'maco.