ខគម្ពីរពេញនិយមពី Markus 13

ចែក​រំលែក

Neta̱n kwe̱ ta ha̱l no rema̱n a̱n gabk me. Koowe̱ la a̱n gagin c'de̱b i caa d'be̱se̱, i unwa a̱n nan gwa̱a̱.

Rema̱n taanlo, an la̱v la da, soot na a c'walg no. Rema̱n a̱n ta nap v'daa da.

Daava̱n ta sipt no a sav no a̱n ka̱bda̱n gedma̱n lalko, an keka̱b la rina̱n ta̱n vat da. I Silan ta ne̱e̱ no rina̱n ta̱n vat a̱n ho̱rva̱n lo. Ai retin za nwaa a̱n ta̱n iga̱m da, i Hora̱mda̱n zattin ri d'reb da.

A'Con a copun yanda̱ha̱nna̱n ta taa kwe̱. Lalks ri la, a sa̱n tak a̱n taa da cakk.

“Lalkun d'hwen a v'daa na, noc ta nap da. Za comta̱nc Na'Sil nanan rein a̱nmi na'con da. Waav Na'Sil unwa ta̱ma̱, u ta nap da. I K'Ceto c'taa a̱n napine.

Daava̱n ta̱n hongt ganca̱m d'gaag a̱n c'baa hwe̱di a honga-hongasa̱ d'gaag no, a de̱bc naa la no da. I ke̱ng na em goon rihica̱ hna. Za d'be̱se̱ bo̱ la da.

“An la̱v la da, rema̱n a̱n ta nap daava̱n kanubu tu vaakta da. Ai i na'rimi alla a̱n te̱kan gyope alla nu'pun alla ta̱m na̱m'zane? Rema̱n au vaaka la cunksi, u gita̱ v na̱m'la̱v da. Rina̱n m ve̱ce̱in no, i inya a̱m ve̱ce̱in koowe̱. Soot na a c'walg no.”

Copu tu gudgva̱ copu hyan. C'Go̱m ta̱m ca̱n gudgva̱ go̱mc hyan. Copu tu vigma̱lsi a̱n c'baa s'goo-s'goo. Nan em ta̱m mer a naam c'de̱ba̱n hwe̱di. Ta̱ca̱ha̱n kwe̱, i takada̱n ryaaka̱ d'koba.

Ai be̱se̱d ceta la, i ke̱ng na ba̱s kasi lalk a̱nmin copun yanda̱ha̱n kwe̱.

A̱m ryaa-ryaa no bena. Rema̱n neta̱n hwe̱di ta han a̱n dind ri. Ta ze no, ‘I mi a̱n rein Ka̱risti.’ Ta yangs la neta̱n hwe̱di.

“Soot na a c'walg no. Rema̱n ta sav no baa ka̱nca̱n gedma̱n lalko. Ta buu no s'bii a̱nmin ka̱bca̱n kargad Yahude̱ne̱. Ta sav ta̱m no baa go̱mgo̱mno̱ a baa gwamna na, rem ri. I taanl a̱n ta̱n kumt ke̱e̱da̱n ve̱ce̱m na̱ da̱n mi.

Rema̱n Ka̱ristin a c'ko̱lo̱, a baranc Na'Sil a̱n a c'ko̱l ta noka a em ta̱m rihica̱ c'he̱t ca̱n-ca̱n de̱l neta̱n a̱n sipa̱m na'nwa̱a̱. Bat ai ema be̱, a yangs netna a an Sila dagin ne.

“A hweca̱n kobda̱n lo to̱o̱, cumunkunni ti gweda d'hwen. Pe̱e̱t au za̱na̱sa̱ ta̱m da. Keba̱n ta kwebra̱lla. Rihica̱n rein ta̱m a'con kwe̱ ca̱n vigma̱lsi.