ខគម្ពីរពេញនិយមពី Luka 11

ចែក​រំលែក

Ha bwéecho íimwe, no óobu muli abaheni, nimusoomboókelwa kubaha abáana báanyu egabo ezigasize. Mazima! Isíimwe óogwo ali omu igulu naakola kusáaga aho, naabaha Omwooyo Mutakatíifu áabo abalikumusaba.”

“Nikwo, neenye niimbagaambila, musábe, na mulyaáhaabwa, mukwáabe mulyaábona, muchiinguze, na mulyaáchiingulilwa.

Habwo kuba, buli muuntu óogwo alikusaba, aheébwa. Na buli muuntu óogwo ataábuuza, abigwaho. Na buli muuntu óogwo achiinguza, achiingulilwa.

Yeézu yaábagaambila, “Obuchilo muláaba nimumusaba Múungu, mugaámbe múti, ‘Isíichwe [owo omu igulu], izíina lyaawe likuzibwe. Obukáma bwaawe bwiíze. [Okweenda kwaawe kuhikiílizwe, omu nsi nko okwo omu igulu.]

Otuganyile ebiheno byéetu, nko óokwo neechwe tuganyila abalikutuhénela. Otatutwáala omu kuleengesibwa [náho otuchuúngule ne elyo Isitáani].’ ”

Otuhe buli bucha ebyookulya byéetu.

“Na améeso gaawe, ni nko olumuli lyo omubili. Kagalikuba nigahweéza kuzima, omubili gwaawe gwóona gwiikala omu mwaanga. Náho, améeso gaawe kagalikuba gali mábi, omubili gwaawe gwiizwíile ensiimbaazi.

“Taliho omuuntu óogwo alikwaacha olumuli, akaluta aheéselekile, nali akaluswéekelela ne echitukulu. Náho naaluteleka aha lugulu ya akakóondo, kuba obuchilo abaantu nibazamo muliinya, babone kuleeba ha mwaanga ogwo.