ខគម្ពីរពេញនិយមពី Matay 13

ចែក​រំលែក

izu na 'inapiyar kana 'inava na dare' i savakan na 'apiyar mu kema kana trau na kinger za vati mu, zi marulrazam lra; mivuwa' i intaw, mare'ani mu ulra na pinakasaleman, ulra na pinakamakanemen, ulra na pinakamakatelun.>>

izu na 'inapiyar i su'asu'ar i savakan na 'apiyar mu kema kana trau nu kinger za vati i likuzan mu, na mavangavang i wayway zi za tu iyakezeng kana piniemanan paziyazi lra kanantu iyavaaw na vati, 'azi maruwa mivuwa'.

izu na kinger lra kana vati na kanatal i itras zi 'azi malrazam na trau mu kamawan kana mu'apiyar i ngaydiran kana dadalan na 'apiyar, zuwa izu na kuwatrengan na trau mu, na 'inapiyar kantaw i anger na vati mu tu 'araway melak peniya lra.

izu na 'inapiyar i varasarasa' na 'apiyar kema kana trau za kinger lra kana vati mu, payas semangal kituluz, mawmu 'azi pasavak merami, 'azi maruwa patrutru sawariyan, nu muramawan kana vati zi muelep kana kuwaatrengan zi za kemuwatreng mu, payas meretra' 'ematelr.

<<na kanatal i itras kamawan kana pazangal na pinieman vinulri i 'uma. ulra a trau malrazam lra, zi tu suvukaw, kamazu zi kasemangalan zi tu trima'anay lra tu pinieman ziya i intaw, mukuwa tremima'a kanizu na 'uma.>>

ulra na zuma na 'apiyar mutani kana 'inava na dare', ma'izang zi mivuwa', mare'ani mu ulra na pinakasaleman, ulra na pinakamakanemen, zi ulra na pinakamakatelun.>>

na emi parelrangaw kana palraus mukasa ma'izang; nu mare'ani mu, ku i patalruway na mara'ani na trau tu piyanguwayanaw zemulrutr kana palraus, vetu'aw venatri', zi melrasez kana emi, epetraw lrasezaw kananku 'alili.> >>