ខគម្ពីរពេញនិយមពី မၢ်ကူး 6

ចែក​រំលែក

စ​ဒီၣ်​ကဲၤ​လၢ်​ဝၤ​တ​စီာ်, “​လ့ၤ, က​လ့ၤ​ဓီ​ဒဳ​တဲၤ​လ့ၤ တ​ချဳး ထဲၢ်​ပၠၤ​တ​ပွဲ​တ​အီၣ်​နီး ကၱာ်​အီၣ်​ဆီ​ဓူၢ်​ဆီး​ဒဲ မီၢ်​ကိာ်​ဘ့​နဳၤ​တ​ဒဳး​တ​ဆး.” မၤ​နဲၢ်, ပၠၤ​အဲး​အီး​အီး လ့ၤ​လ့ၤ​က့ၤ​က့ၤ​ထၱး​စဲာ်​အ​ခဳး​အ​စဲ, ပွ့း​စ​က​အၣ် က​အီ နှီ​နူၤ​အ​ခၠၱး​တ​အီၣ်​ကဲၤ​စ​နံၤ​ခံ​တ​စီာ်​နီး.

ယ့ၣ်​ရှူး​ဒီၣ်, “​ဝံ​တ​စီာ်​တ​နံၤ​ဘဲာ်​တ​ပွဲး အ​ဟံ​အ​ထဲ​ဒဳ​စ​ဒဳ​လၤ ဖါ​ပူၤ, စ​ခွံ​စ​ခီ​အ​ကျဲ ကၱာ်​စ​ၡံၣ် ပူၤ​ဖါ​ပူၤ​နီး.”

ယ့ၣ်​ရှူး​ဟဲး​ထာ်​ခး​ခီ, စ​ကဲာ် ထၱး​ပၠၤ​အ​ပဳၤ​အ​ဟီး အီၣ်​ဆိ​ဧိၢ်​အံာ်​ကဲၤ​စဲာ်​တ​စီာ်​ဒဳၣ် စ​ခီၣ်​ဝဲၤ​မှီး​ဘဲာ်​ကဲၤ​လၢ်​ဝၤ. မၤ နဲၢ်, စဲာ်​တ​စီာ် မဲၤ​အ​စာ် ဘိ​သဳ​ထဲၢ် အ​စာ်​အံာ်​တ​အီၣ်​နီး​အ​ခီ​နဳၤ. မဲၤ​က​နဳၤ ဒဳၣ်, စ​သိၣ်​အံာ်​သီ​အံာ်​ကဲၤ​လၢ်​ဝၤ​တဲၤ​အ​မဳ​အ​မဳၤ​လီၤ.

စ​တ​မဲၤ​ကဲာ်​ထာ်​ဇၱ​တ​ပွဲး​တဲၤ​ပီၤ​တဲၤ​ပၤ ဘ့​နဳၤ​နီး, မၱာ်​စ​မဲၤ​မှး က့ၤ​ပၠၤ​အ​ဘဲာ်​ရွှံး​ဘဲာ်​ဆဲ တ​ကၱး ဖဳး​လီၤ​ဒဳ​တဲၤ​ထဲး​လၤ​စ​စူး ခီး​လၢ်​ဝၤ​တ​စီာ်​အ​ခဳး​နဳၤ. စ​ထဲး​တ​မိၢ်​တ​မှါ​ကဲၤ​ဒဳ​ပၠၤ​တ​စီာ်​အ​တဲၤ​ဘူၣ်​တ​အီၣ် နီး​အ​စဲ​နဳၤ. ယ့ၣ်​ရှူး​ဟဲး​ကဲၤ​ဒဳ ဒဳ​ဝ့ၢ်​ဒဳ​ဝါ​တ​စီာ်​ကၱာ်​သိၣ် သီ​အံာ်​ကဲၤ​ပၠၤ.

ဒဳၣ်​ယ့ၣ်​ရှူး​ဖၱး​ထာ် တ​ကဳာ် ယဲၢ်​ချဳး​ကၱာ်​ဓၢ်​ဖဳး ကၠံၢ်​ဘီ​နဳၤ, စ​စာ်​ထာ်​ဒဳ​မီၢ်​ခဳး, စ​ဟိး ဝၱၤ, ဝှါ​ဒဳၣ်​စ​ဘၱး​လၤ​တ​ကဳာ်, စ​အံာ် လၤ​စ​ပျဲၢ်​စ​ဘီၣ်​တ​စီာ်, စာ်​ဘိ​ထဲၢ်​အ​က​ဘဲ​လါ​ဒဳ​လၢ်​ဝၤ​တ​စီာ်​အ​လှီ​မီၢ်​နဳၤ. ကၱာ်​ဒီ​ဓၢ်​ဖဳး​ကၠံၢ်​ဘီ​နဳၤ စ​ပ့ၤ​အၣ်​ကီ​ပၠၤ​လဳ​စါ​စဲး. ပၠၤ​ကိ​အ​ပွဲၤ​အၣ်, အၣ်​ဆိ​အၣ်​ပၤ​အီ​ကဲၤ. အ​ဟဲး​ကိာ်​စ​ကါ​တ​စီာ် ထူး​ပျဳာ်​က့ၤ​တ​ကဳာ်​ကၱာ်​ဓၢ်​ဖဳး အ​ခဳး​လၤ​ကါ​ဆဲး​ဒဳၣ်, အ​နံၤ​ပ့​ထာ်​ၡံး​ကၠံၢ်​ပး​လှူၣ်.