ខគម្ពីរពេញនិយមពី မးသဲ 24

ចែក​រំលែក

ကၱာ်​ဒီ​တဲၤ​ကၱ​ကဲာ်​မဲၤ​လှီ​က​အီၣ်​အဲး ထာ်​အ​ခဳး​အ​စဲ, ပၠၤ​အီၣ်​အဲ​ဗွဲၤ​အ​တဲၤ​ဘဲာ်​လီၢ်​က​စဳး​လၤ ကီ. ပ​ရၤ​ဆါ​ပၠၤ​အ​ခီး​သး​ဒီ​ထိ​အ​ကူ​ဓူၤ​တ​ပွဲၤ​နဳၤ, စ​လှိ​ထာ်​က့ၤ​ကီ.

ကၱာ်​ဒီ​ထံ​က့ၤ​အ​တဲၤ​သး​လဳၢ်​သး​လၤ​အံာ်​အ​ယဳၤ က​ဘဲာ်​ဒီၣ်​အူ​ဒီ​ဆး​ကီ​လၢ် ခဳး​သ​ဒဲ ဘဲာ်​အ​ခဳး, အ​စာ်​ဘိ​ပၠၤ​အ​ခွံ​လဳ​စါ​စဲး​အ​နံၤ​ခံ​သဲ​သၱး​နဳၤ, ကၱာ်​ဒီ​ဘ့​နဳၤ တဲၤ​အ​ကူ​ဓူၤ​က​ဓဳၤ​ကီ.

ကၱာ်​ဒီ​သံ​က​သၱာ်​ဟဲ​ဘဲာ် ကီ​တဲၤ​ဒဳး တဲၤ​ဖၠး​အ​ဝၱၤ​အ​ကဲ, ကၱာ်​တဲၤ​ဒဳး​တဲၤ​ဖၠး​အ​ဒ့ အ​ဒီၣ်. ဆီး​အံာ်​ဝၢ်​အံာ်​ပီၢ်​သံ န့ၤ. အီၣ်​ကဳၤ​အီၣ်​ကဲၢ်​မဲး. မၤ​နဲၢ်​က​ဒီၣ်​ဓဳၤ​ဒဳၣ်, တဲၤ​အ​ယဳၤ​တ​စီာ်​က​ဖၱ​ထာ် လဳ​ဘဲာ်, ပ​ရၤ​ဆါ​တ​ဘဲာ်​တ​ပွဲး​အ​ကူ​ဓူၤ​နှၱ​နီး.

မၤ​နဲၢ်​က​ဒီၣ် ဓဳၤ​ဒဳၣ်, ပၠၤ​တ​ခွံ​ကၱာ်​တ​ခွံ, တ​က့ၤ​ကၱာ်​တ​က့ၤ က​ဝဲၢ် ထဳး​ထာ်​ခဳး​ကါ​လှဲး​ကီ​လၢ်​ဝၤ, ကၱာ်​ဒီ​တဲၤ​ဆဲ​အ​ဝ့ၤ​က​လၤ​ကီ, တဲၤ​သး​ဝံာ်​လၤ​ဒီၣ်​က​အီၣ်​ကီ, ကၱာ်​တဲၤ​က​ပဳၤ တ​လၢ်​တ​လၢ်. ပ​ရၤ​ဆါ​တဲၤ​အ​ယဳၤ​လဳ​စါ​စဲး​မၱာ် တဲၤ​ဆဲး​ညဲ​ပီၤ တီၤ​အ​ကါ​ထၱး​က​လီ.

မီၢ်​ခဳး​ကၱာ်​လၢ်​ခဳး က​ကဲ​နီၣ်​သီ​နှီ​နူၤ, ယ​တဲၤ​ယၱၢ်​ဘဲာ်​က​တ​ကဲ​ကီ​နီး.

မၤ​နဲၢ်​က​ဒီၣ်​ဓဳၤ ဒဳၣ်, ပၠၤ​အီၣ်​အဲ​ဗွဲ​က​လ့ၤ​ဒဳ ယ​မံၤ​အ​ပူၤ​ကၱာ်​က​ဒီၣ်​ကီ, ‘​ယ​မၱာ်​ခ​ရၱာ်,’ ကၱာ် က​လှီး ပျဲာ်​ကီ​ပၠၤ​အီၣ်​အဲ​ပွဲၤ.

“​ဘ့​နဳၤ​ပၠၤ​က​အံာ်​လၤ​ဖျီး​မံ​ကီ​သံ​စာ်​ဘိ​ထဲၢ် သံ က​ဘဲာ်​မဲၤ ဆဲး​ညဲ​နဳၤ, ကၱာ်​ပၠၤ​က​မဲၤ​သံ​ကီ​သံ, ကၱာ်​ဒီ ယ​မံၤ​အ​ခဳး​အ​စဲ ပၠၤ​အ​ခွံ​လဳ​စါ​စဲး က​တ​ဝဲၢ်​တ​ဆဲ​ကီ သံ​နီး. ကၱာ်​ဒီ​ဘ့​နဳၤ​ပၠၤ​အီၣ်​အဲ​ဗွဲၤ​အ​တဲၤ ဘူၣ် က​ဟဲး​ကဲ​ကၱာ်​စ​က​ဟိ​လါ​ကီ​လၢ်​ဝၤ​တ​ပွဲၤ​ကၱာ်​တ​ပွဲၤ​ကၱာ် စ​က​တ​ဝဲၢ်​လှဲး ကီ​လၢ်​ဝၤ​နီး. ကၱာ်​ဒီ​ဝံ​အ​ပျဲး က​အီၣ်​ထာ်​အီၣ်​ကီ​အီၣ်​အဲ​ပွဲၤ, ကၱာ်​စ​လှီး​ပျဲး​ကီ​ပၠၤ ပွ့​တ​မံၤ.

ကၱာ်​ဒီ, ယ့ၣ်​ရှူး​ဒီၣ်​က့ၤ​စဲာ်​အ​လံၢ်, “​ဆီး​အံာ်​ဝၢ် အံာ်​ပီၢ်​သံ န့ၤ စာ်​ဘိ​ထဲၢ်​ပၠၤ​က​တ​လှီး​ပျဲာ်​နံၤ​သံ​တ​ဗွဲ​နီး နဳၤ.

မဲၤ​က​နဳၤ​အီၣ်​တီၤ​လီၤ​ပီၢ်, ဘ့​သံ​တ​က​မဳၤ​နီး အ​နၣ်​ရၱၣ်​နဳၤ, ပၠၤ​အ​ဖဳး က​လ့ၤ​ကီ.

မဲၤ​က​နဳၤ, တိၤ​အံာ်​ပီၢ်, မၤ​နဲၢ်​က​ဒီၣ်​ဓဳၤ​ဒဳၣ်, သံ​ဘၱာ်​စဲာ်​က​ဓဳၤ​လ့ၤ​တၤ​အ​ခၠၱး နၣ်​ရၱၣ်​နဲၤ​နဳၤ, သံ​တ​သၱာ်​ဟဲ​နီး.

“​ပ​ရၤ​ဆါ မၱာ်​အ​နဳၤ​တ​နံၤ​ကၱာ်​အ​နဳၤ​တ​နၣ် ရၱၣ်​နဳၤ, ပၠၤ​တ​သၱာ်​ဟဲ​တ​ဗွဲ​နီး. မီၢ်​ခဳး​ပွဲၤ​ဇဳၤ​နှီ​နူၤ တ​သၱာ်​ဟဲ​နီး​နီး, အ​သၱာ်​ဟဲ​မၱာ်​အ​ပာ်​တ​ပွဲၤ​လီၤ.

မၤ​နဲၢ်​က​ဒီၣ်​ဓဳၤ​ဒဳၣ်, ခ​ရၱာ်​အ​သိ​ပျိၤ ကၱာ်​ဝံ အ​ပျဲး​က​အီၣ်​ထာ်​ကီ​တ​စီာ်, ကၱာ်​စ​က​မဲၤ​ကီ​တဲၤ​ပီၤ တဲၤ ပၤ​ကၱာ်​တဲၤ​စီး​ကျၱး​စီး​ၡဲ​အ​ဓဳၤ, ပွ့​အ​စာ်​ဘိ (​တဲၤ က​ဖၱ​ထာ်​ဇၤ​ဒဳၣ်), စ​က​လှီး​ပျဲး​ပၠၤ​အ​ဘဲာ်​ရိၤ​ထဳ​တ​စီာ်​နဳၤ နဳၤ.

ကၱာ်​ဒီ​ဘ့​တဲၤ​မဲၤ​ကဲၤ​အ​န့ၤ​လှ့​စီၤ​နိ​အၤ​အ​ဇိၤ​ခဲ​နဳၤ, တဲၤ က​မဲၤ​ကီ​အ​န့ၤ​က​နဳၤ​ဘ့​ပၠၤ​အ​ဖဳး​လ့ၤ​လၤ​အ​ခၠၱး​နဳၤ. မၤ​နဲၢ်​က​ဒီၣ် ဓဳၤ​ဒဳၣ်, အ​စာ်​ဘိ​လှ့​ထံ​ထာ် ဟး​လၤ တ​ဘဲာ်​နှၱ​နီး​နဳၤ, ပၠၤ​အၣ်​သ​ဗ့, အီ​သ​ဗ့, ဖၱး​အ​စူး​ခီး​ကၱာ် အံာ်​ဆး​နံၤ​လှဲး​သ​ဗ့​လၢ်​ဝၤ, ထိ​စီၤ​နိ​အၤ​ခဲ​နံၢ်​သဲ​ပီၤ​ပူၤ အ​မူၤ​တ​နံၤ​နဳၤ. ကၱာ်​ဒီ​ပၠၤ​တ​သၱာ်​ဟဲ​ကဲၤ နီး ထိ​ထံ​ဓဳၤ​ပျၱၤ​ထာ် ကၱာ်​ဆဲး​အံာ်​လဳ​ကဲၤ​စဲာ်​တ​စီာ်​နဳၤ. တဲၤ က​မဲၤ​ကီ​က​နဳၤ​ဘ့​ပၠၤ​အ​ဖဳး​လ့ၤ က​လ့ၤ​လၤ​အ​ခၠၱး​နဳၤ.