ខគម្ពីរពេញនិយមពី မးသဲ 21

ចែក​រំលែក

ကၱာ်​ဒီ​သံ​က​တၤ​တဲၤ​အ​ရါ​တဲၤ​သ​ဘဲ​အ​ပူၤ​ကၱာ် သံ​က​ဘူၣ်​ဒဳၣ်, သံ​က​နံၤ​ဘဲာ်​တ​ပွဲး.”

ကၱာ်​ဒီ​ယ့ၣ်​ရှူး​ဒီၣ်​က့ၤ​စဲာ်​တ​စီာ်, “​ယ​ဒီ​ဆး​သံ အ​တၱၢ်​အ​မှး, သံ​တဲၤ​ဘူၣ်​က​အီၣ် ကၱာ်​အ​တ​ကျ့ၤ​ကျၢ် မၤ​နီး​ဒဳၣ်, သံ​က​မဲၤ​ကဲာ် ထာ်​ဒဳၣ်​လံ​ကီ​ယ​မဲၤ သဳာ်​ဓဳၤ​ထံ မူၤ​အ​ယဳၤ​နဳၤ. မၱာ်​သံ​က​ဒီၣ်​ခီး​လီ​အ​ယဳၤ တ​မဲ, ‘​ဝဲၢ်​ထဳး ကၱာ်​ထၱး​လၤ​ဓ့ၢ်​န​န့ၤ​ပဲာ်​လဲာ်​ပူၤ’ ဒဳၣ်​အ​က​ဖၱ​ထာ်​တ​ပွဲး.

စ​လ့ၤ​ဒဳ​ယ့ၣ်​ရှူး​အ​လှီ​မီၢ် တ​စီာ်​စီာ်, ဒဳ​လၢ်​ဝၤ​အ​လ့ၤ​ကါ တ​စီာ်​စီာ်, ကၱာ်​ကဲာ်​ဧဳၤ​ဒီ​လ့ၢ်​ကဲၤ, “​စီၤ​ဒၤ​ဝံး အ​ဖဳး. အ​ဘဲာ်​ဟိး​ဝၱၤ​မၱာ်​ပၠၤ​အ​လ့ၤ​ဒဳ​ဘၱာ်​စဲာ်​အ​မံၤ​အ​ပူၤ​တ​ပွဲၤ နဳၤ. ဟိၣ်​စဲ နၣ်, ဒဳ​အ​ထာ်​ယၱၤ​က​ဓူၤ.”

ကၱာ်​ဒီ​စ​ဒီၣ်​လၢ်​ဝၤ​တ​စီာ်​က​ယဳၤ, “​ယ​တဲၤ​လှူၣ်​ရှံၣ်​က​ဘဲာ်​ယဳၤ​ကီ​တဲၤ​သ​ဘဲ​အ​ရှံၣ်, အ​အီၣ်​စဲာ်​ပူၤ​ဓဳၤ. မၱာ် သံ​မဲၤ​ဖၱ​ထာ်​ကဲၤ​တ့ၤ​ဝှ့​အ​ပီၤ.”

“​ဒီၣ်​ဘၱ​ဆး​စံ​ယိၣ်​အ​ဖဳး​မူၤ​က​ယဳၤ, ‘​စာ် ပီၢ်, န​ဆး​ဖြး လ့ၤ​ထၱး​နဲၤ, စ​ဘၱာ်​စ​ယူၢ်​ကၱာ်​စ​ဒီၣ်​သ​ရၱာ်​ဒဳ​အ​မဳၤ​ထဲၢ် ပၠၤ​တ​ဒီၣ် နဲၤ​နီၤ​နှၱ​နီး​တ​ဒဳ​ကၱာ်​အ​ဖဳး.’”

ယ့ၣ်​ရှူး​ဒီၣ်​စဲာ်​တ​စီာ်, “​သံ​တ​ဖး​ဘဲာ် စဲာ်​စါ​ထံ အ​ပူၤ​တဲၤ ယၱၢ်​ဘဲာ်​အ​ယဳၤ​တ​ပျါ​နီး​ဧါ. ‘​လဳၤ​ထဲၢ်​အ​ဘီာ်​ထာ်​ရှံၣ်​တ​စီာ်​ထၱး​ဖျီး​မံ​တ​ဒဳ​နဳၤ, ဖၱ​ထာ်​ကဲၤ​ရှံၣ်​အ​န့ၤ​ပူၤ​အ​ကါ​ဒီ. ဘၱာ်​စဲာ်​မဲၤ​ကဲၤ​တဲၤ​အ​ယဳၤ, ကၱာ်​ဒီ​အ​မၱာ်​တဲၤ​အ​မီၤ​ထဲး​တ​မိၢ်​တ​မှါ​ဒဳ​ဝၤ​ကၢ်​ဓူ ပူၤ​နဳၤ​တ​မံၤ,’ အ​တ​ဒီၣ်​ဓဳၤ​နီး​ဧါ.

“​မဲၤ​က​နဳၤ​ဒဳၣ်, ယ​ဒီ​ဆး​သံ, က​ဘၱာ်​စဲာ်​အ​ထံ အ​က့ၤ​က​ဘဲာ်​ဖၱး​သံ​ဝံၢ်​ကီ​သံ​အီၣ်, ကၱာ် အ​က​ဘဲာ်​အံာ် လၤ​ကီ​ပၠၤ​တ​သ​ရး, ထဲၢ်​အ​အံာ်​က့ၤ​တဲၤ​အ​သွဲ​တ​စီာ်​နဳၤ.