ខគម្ពីរពេញនិយមពី လူၤကၣ် 24

ចែក​រំលែក

ယ​က​သဲ​လ့ၤ​လၤ ယ​ပာ်​အ​တဲၤ​အဳ​လါ​ဖျး​လၤ​ဒဳ​သံ​ခဳး​နဳၤ. အ​ခဳး​အ​စဲ​ဒဳၣ်, အီၣ်​ဆိ ဧိၢ်​မိၢ်​ကိာ် ထိ​သံ​နံၤ​ဘဲာ်​လဳ​ထဳ​တဲၤ​အ​ဖျူ အ​သ​ရ့ာ်​ဒဳ​မီၢ်​ခဳး​နဳၤ” စ​ဒီၣ်​ကဲၤ​လၢ်​ဝၤ​တ​စီာ်​ဓဳၤ.

စ​တ​အီၣ် ပ့ၤ​ဘ့​ယဳၤ​နီး. စ​ထာ်​ပဳၤ​က့ၤ​ထဳ. က​မဳၤ​ထာ်​နံၤ က့ၤ​ပီၢ် စ​တဲၤ​ယၱၢ်​ဘဲာ်​ထဲၢ်​စ​ဒီၣ်​ကဲၤ​သံ လှ့​စ​အီၣ်​ဝ့ၤ​ကၤ လံၤ​လဲ​က့ၤ​ပူၤ​နဳၤ.

ဘ့​နဳၤ စဲာ်​တ​စီာ်​အ​ကၣ်​ဓူ​ဘါ​ထာ်​ကၱာ်​သၱာ်​ဟဲ​ကဲၤ​အ​မၱာ်​စဲာ်, ယ့ၣ်​ရှူး​နဳၤ. ဘ့​နဳၤ​လီၤ​ယ့ၣ်​ရှူး​လှဲ​မဲၢ်​ကဲၤ​ဒဳ စဲာ်​တ​စီာ် အ​လှီ​မီၢ်​နဳၤ. ကၱာ်​ဒီ စဲာ်​တ​စီာ်​ဒီၣ်​လှဲး​ကဲၤ လၢ်​ဝၤ, “​ဘ့​စ​ယၱၢ်​ဘဲာ်​ထၱး​ကဲာ်​ဒဳ ကျဲး​လီၤ ကၱာ်​ဒီၣ်​လှၱ ထာ်​နံၤ​ကဲာ် စဲာ်​စါ​ထံ​အ​ထာ်​ပဳၤ​ထာ်​ဘါ​အ​ခဲ​နဳၤ, မဲၤ​အ​န့ၤ​အ​စာ်​ဘိ​မှၱး​ကဲၢ်​ဟီး​အၣ်​ဒဳ​က​ပူၤ​တ​ဘဲာ်​နီး​ဧါ” စ​ဒီ​ဆး​လှဲာ်​ကဲၤ​လၢ်​ဝၤ​ဓဳၤ.

မဲၤ​ဝှါ​စ​ဒီၣ်​လၢ်​ဝၤ​တ​စီာ်, “​တဲၤ​ဝှ့း​လၤ​ကဲၤ က​ယဳၤ, ခ​ရၱာ်​က​ခး​ဘဲာ်​တဲၤ​ဆဲး​ညဲ​ပီၤ​တီၤ ကၱာ်​သဳ​နံၤ​တ​နံၤ​နဳၤ စ​က​ထာ်​ပဳၤ က့ၤ​တဲၤ​သံ​အ​ကျဲ, ကၱာ်​တဲၤ​ပၤ ယၤ​လၤ​က့ၤ​အ​န့ၤ, ကၱာ်​တဲၤ​ခီၣ် ဝဲၤ​အ​တဲၤ​ဘး​လှိ အ​ဝၱၤ​အ​ကဲ​နဳၤ​က​ဘဲာ်​ဒီ​ထိး​အံာ်​ဘဲာ်​ဒဳ​စ​မံၤ​အ​ပူၤ, ဒဳ ထံ က့ၤ​လဳ​စါ​စဲး​အီၣ်​နဳၤ, ကဳၤ​ထာ်​ဒဳ​ယ​ရူၤ​ၡ​လ့ၣ်​အူး ပူၤ​နဳၤ.

ဘ့​နဳၤ​စဲာ်​တ​စီာ်​ပး​ထၱး ကဲၤ​လဳၤ​အ​ကျဲၢ်​ဘံာ်​လူၢ်​ပူၤ​တ​ဒဳ တဲၤ​ဘး​တ​ကျဳ​ဖျီး​မံ ကဲၤ, မၱာ်​ဘ့​စဲာ်​တ​စီာ်​လ့ၤ​နံၢ်​လဳၤ​ပူၤ​နဳၤ စ​တ​ပး ထၱး​ကဲၤ​ယ့ၣ်​ရှူး အ​စဳး​နီး.