ខគម្ពីរពេញនិយមពី ယိၤဟၣ် 6

ចែក​រំលែក

ယ့ၣ်​ရှူး​ဒီၣ်​စဲာ်​တ​စီာ်, “​ယ​မၱာ်​တဲၤ​သ​မိ အ​တ​ကဳာ်. ပၠၤ​အ​လ့ၤ​ထၱး​ယဲၤ​တ​စီာ်​နဳၤ​တ​သး​ဝံာ် ဘဲာ်​နီး​ကၱာ်​အ​ဘူၣ်​ယဲၤ​တ​ပွဲၤ​နဳၤ​တ​သး အီ ဘဲာ်​နီး.

အ​အံာ်​တဲၤ​သ​မိ​မၱာ်​သး​စါ​ထံ လီၤ, ပၠၤ​အ​တဲၤ​ခဳး​တဲၤ​အါ မၱာ်​အ​နှး​နှါ​လီၤ. တဲၤ​ယၱၢ်​ဘဲာ် ယ​ဒီ​ဆး​ထဳ​သံ​တ​စီာ်​မၱာ်​အ​အံာ်​က​ဘၱာ်​စဲာ် အ​သး ကၱာ် တဲၤ​အီၣ်​သ​မိ.

ဝူၤ​သဲ​တဲၤ ပၤ​ပီၢ်​မဲး​တဲၤ​အၣ်​ထဲၢ်​အ​ကဲ​အ​အိး​ဇၤ​တ​စီာ် အ​နံၤ​ခံ​မဲး, မၱာ်​တဲၤ​အၣ်​ထဲၢ်​အ​အီၣ်​လၤ​ထူ​လၤ​ပျဳၤ​အ​နံၤ​ခံ​တ​ခီ. အ​ယဳၤ​မၱာ်​တဲၤ​အၣ်​ထဲၢ်​ပၠၤ​အ​ဖဳး​က​အံာ် သံ တ​ဓဲ​နဳၤ, မၤ​နဲၢ်​ဒဳၣ်, အ​ပာ်​ဘၱာ်​စဲာ်​သဲ​န့ၤ ဓီၤ​တဲၤ​ဇွၱၢ်​လၤ ဒဳ​စ​လီၤ​နဳၤ.” စ​ဒီၣ်​လၢ်​ဝၤ​တ​စီာ်​ဓဳၤ.

မၤ​နဲၢ်​ဒဳၣ်, အ​ယဳၤ​မၱာ်​ယ​ပာ်​အ​သ​ဓဳ​လ့ၤ​ယဲၤ​တ​ပွဲၤ​အ​တဲၤ​သး​အဲး​နံၤ ထဲၢ်​က​ယါ​ပၠၤ​အ​စာ် ထၱး​အ​ဖဳး​တ​ပွဲၤ​ကၱာ်​အ​ဘူၣ်​စဲာ် တ​စီာ်​နဳၤ, က​နံၤ​ဘဲာ်​တဲၤ​အီၣ်​သ​မိ​အ​လၤ ထူ​လၤ​ပျဳၤ. ကၱာ်​မူၤ​နံၤ​အ​က​ဓူၤ​လါ​တ​နံၤ​ယ​က​ဘး​ဝဲၢ်​ထဳး​က့ၤ​စဲာ်” စ​ဒီၣ် လၢ်​ဝၤ​ဓဳၤ.

ယ့ၣ်​ရှူး​ဒီၣ်​ရှံ​က့ၤ​စဲာ်​တ​စီာ်, “​အ​ယဳၤ​မၱာ် က​ဘၱာ်​စဲာ်​အ​တဲၤ မဲၤ​ဒဳ သံ​က​ဘူၣ်​ပီၢ်​စ​သ​ဓဳ​ကဲၤ တ​ပွဲၤ နဳၤ” စ​ဒီ​ဆး​လၢ်​ဝၤ​ဓဳၤ.

လဳ​ယ​ပာ်​အံာ်​လၤ​ယဲၤ​တ​စီာ်​နဳၤ က​လ့ၤ​ထၱး​ကီ​ယဲၤ, ကၱာ်​က​ယါ ပၠၤ​အ​လ့ၤ​ထၱး​ယဲၤ တ​စီာ်​နဳၤ, ယ​တ​ဒး​ဖျီး​မံ​ယ​န့ၤ​ကၱာ်​စဲာ်​နီး.

စီၤ​ၡံ​မိၣ်​ပ့း​တ​ရူး​ဒီၣ်​ရှံ​က့ၤ​စဲာ်, “​ဘၱာ်​စဲာ်, ဝၤ​က​လ့ၤ​ထၱး​ဒီ​ပီၢ် ပွဲၤ. တဲၤ​သ​မိ​လၤ​ထူ​လၤ​ပျဳၤ​အ​တဲၤ ယၱၢ်​ဘဲာ်​အီၣ်​ဒဳ​န​အီၣ်​နဳၤ.

ယ​မၱာ်​တဲၤ​သ​မိ​အ​တ​ကဳာ် ထဲၢ်​အ​အီၣ်​ဒဳ​မီၢ်​ခဳး အ​လၤ​နဳၤ. ကၱာ်​က​ယါ​ပၠၤ​အ​အၣ်​တ​ကဳာ်​အ​ယဳၤ​နဳၤ, က​အီၣ်​သ​မိ​လၤ​ထူ​လၤ​ပျဳၤ​ဘဲာ်​ကီ. တ​ကဳာ်​ထဲၢ်​ယ​က​အံာ်​သံ​မၱာ်​ယ​ဟၱး​ထဲၢ်​လၢ်​ခဳး​ဖဳး​အ​တဲၤ​အီၣ်​သ​မိ အ​နံၤ​ခံ​နဳၤ” စ​ဒီၣ် လၢ် ဝၤ​တ​စီာ်​ဓဳၤ.

မၱ တ​မၱာ်​ဒဳ​ယ​ပာ်​သ​ဓဳ လ့ၤ​ယဲၤ​တ​ပွဲၤ စွံး​စဲာ်​အ​က​လ့ၤ​ထၱး​ယဲၤ​နီး​ဒဳၣ်, ပၠၤ တ​လ့ၤ​ထၱး​ဇၤ​ယဲၤ တ​ဗွဲ​နီး. အ​လ့ၤ​ထၱး​ယဲၤ​တ​ပွဲၤ​နဳၤ, ယ​က​ဘး​ဝဲၢ်​ထဳး က့ၤ ကီ​စဲာ်​ဒဳ​မူၤ​နံၤ​အ​က​ဓူၤ​လါ​တ​နံၤ​နဳၤ.

မၤ​နဲၢ်​ဒဳၣ်​တ​ကဳာ်​ထဲၢ်​ဘၱာ်​စဲာ် အံာ်​သံ မၱာ်​စဲာ်, ထဲၢ်​အ​အီၣ်​ဒဳ​မီၢ်​ခဳး​အ​လၤ​ကၱာ်​အံာ် လၢ်​ခဳး​ဖဳး​တဲၤ​သ​မိ​အ​လၤ​ထူ လၤ​ပျဳၤ​နဳၤ” စ​ဒီၣ်​လၢ်​ဝၤ ဓဳၤ.

ယ​မၱာ်​တဲၤ​သ​မိ အ​တ​ကဳာ်​လီၤ.

ယ့ၣ်​ရှူး​ဖၱး​တ​ကဳာ်, စ​ထါ​ထာ်​အံာ်​က​ဘၱာ်​စဲာ်, ကၱာ် ပ့ၤ​အၣ်​ကဲၤ​ပၠၤ​အ​ဆး​နါ​လၤ​အီၣ် ဒဳ နဳၤ​တ​စီာ်​နဳၤ. စာ်​ဘိ က​နဳၤ​အ​ခီ, စ​ပ့ၤ​အၣ်​ကဲၤ​လၢ်​ဝၤ​ဓၢ်​ဖဳး​ပာ်​ပာ်, ပွ့​အ​စာ် ဘိ စဲာ်​တ​စီာ်​သး​အဲး​အၣ်​အ​သ​ရ့​နဳၤ. ပၠၤ လဳ​စါ​စဲး​တ​စီာ်​အ​ဖူ ကဳာ်​ထဳ​ဒဳၣ်, ယ့ၣ်​ရှူး​ဒီၣ် စ​ပျဲၢ် စ​ဘီၣ်​တ​စီာ်, “​ထူး​က့ၤ​ပီၢ်​အ​ကီ​လၱ​ကီ​လၢ် အ​ခဳး​လၤ ကါ​ဆဲး​တ​စီာ်​နဳၤ​စာ်​ဘိ​ထဲၢ်​အ​တ​ကဲ​တ​အိး​လဳၢ်​ပီၢ်​နီး နဳၤ” စ​ဒီၣ် လၢ်​ဝၤ​ဓဳၤ.

အ​ပျဲၢ်​အ​ဘီၣ်​တ​စီာ်​ဝၤ​ချံ​အ​ဖျီး​ဝှါ​သဳ​မံး​လး, လွံၢ်​မံး​လး ဆဲး​ဒဳၣ်, စဲာ်​တ​စီာ်​စာ်​ထၱး ယ့ၣ်​ရှူး​ဟဲး​ကဲၤ​ဒဳ​ပဲာ်​လဲာ်​ထံ​ခဳး​နဳၤ, ကၱာ်​စ​လ့ၤ​ဘိး ထၱး ကဲၤ​လၢ်​ဝၤ​တ​စီာ်​အ​ချံ​ဒဳၣ်, စဲာ်​တ​စီာ်​သး​ဖူး​သး​က​နၢ် ကဲၤ. “​ရှံး​ဆါ​မဲး. မၱာ်​ယဲၤ​လီၤ” ယ့ၣ်​ရှူး​ဒီၣ် စဲာ်​တ​စီာ်​ဓဳၤ.