ខគម្ពីរពេញនិយមពី ယိၤဟၣ် 12

ចែក​រំលែក

ပၠၤ​တ​ပွဲၤ​ပွဲၤ က​ခး​ဇိၤ​ယဲၤ​နဳၤ, စ​က​လိၤ​ကိာ်​ဒီ​ဧဲၤ​ယ​လ့ၤ, ကၱာ်​ယ​အီၣ် အ​လ့ၤ​အ​ရါ​နဳၤ, ယ​ဇိၤ​ဖဳး​က​အီၣ်​ကိာ်​ကီ​ယ​ကါ. ပၠၤ​တ​ပွဲၤ​ပွဲၤ​က​ခး​ဇိၤ​ယဲၤ​နဳၤ, ယ​ပာ်​က​ပဲၢ်​တီၤ​ပဲၢ်​သ့း​ကီ​စဲာ်.

ပၠၤ​ထဲၢ်​အ​ဘဲာ်​လီၢ်​အ​တဲၤ​အီၣ်​သ​မိ​တ​ပွဲၤ​နဳၤ, ဆူး​ပး​ဘဲာ် ကီ​အ​အဲ, ကၱာ်​ပၠၤ​အ​တ​ကံ ဝံၢ်​အံာ်​အ​တဲၤ အီၣ်​သ​မိ​နီး​ဒဳ​လၢ်​ခဳး​ယဳၤ​နီး​တ​ပွဲၤ​နဳၤ, အီၣ်​အံာ်​အ​အဲ ဒဳ​တဲၤ​အီၣ်​အ​လၤ​ထူ​လၤ​ပျဳၤ​နဳၤ.

ယ​ဒီ​ဆး​သံ​အ​တၱၢ်​အ​မှး, မၱ​တ​မၱာ်​ဒဳ​ဘူၣ်​တ​ဖျဳး​လၤ​တ့ၢ်​ဒဳ​ဟး​ဖ့း​လဲၢ်​ကၱာ်​အိ​သံ နီး​နဳၤ, အ​က​အီၣ် တ​ဖျဳး​အ​လ့ၤ​လ့ၤ​လီၤ. ပ​ရၤ​ဆါ​အ​သံ​တ​ပျာ်​ဒဳၣ်, အ​သဲာ်​ထာ်​လၤ​ကွါ​တ​ပွဲး​ပွ့ တ​မံၤ.

ယ​လ့ၤ​လၤ​ဒဳ လၢ်​ခဳး​ယဳၤ​အ​စာ်​ဘိ​တဲၤ​လှၱ​အ​ခီ, စာ်​ဘိ​ထဲၢ်​က​ယါ ပၠၤ​အ​ဘူၣ်​ယဲၤ​တ​ပွဲၤ​ပွဲၤ​နဳၤ​က​တ​အီၣ်​ဘဲာ်​ပီၢ်​တဲၤ​ခံး ကျဲ​နီး​အ​နံၤ​ခံ​လီၤ.

ပၠၤ​ထဲၢ်​အ​သၱာ်​ဟဲ​ယ​တဲၤ ဒီ​ထိး​လၤ​ကၱာ်​အ​တ​ဖၱး​နံၤ​နီး​တ​ပွဲၤ​နဳၤ, ယ​တ​စံး​ရး စဲာ်​နီး. ယ​လ့ၤ​လၤ​မၱာ်​ယ​က​မဲၤ​လှိ​ထာ်​က့ၤ​ပၠၤ​လၢ်​ခဳး​ဖဳး, တ​မၱာ် ယ​က​စံး​ရး​ပၠၤ​အ​နံၤ​ခံ​နီး.

နီၢ်​မၤ​ရၱ​ဖၱး ဝှါ​ဆံး​နှူ​ဝံာ်​ထဲၢ်​ပၠၤ​မဲၤ​အံာ်​သဳာ်​ထဳး​နၢ်​ဒူး အ​လံၢ်​ဓဳၤ ပွၱၤ​သဲ​အ​ပ့​ထာ်​တ​ကဳ​ဒဳၣ်, စ​လှီး​လၤ​ကဲၤ ယ့ၣ်​ရှူး​အ​ခၣ် ခီး​အ​လီၤ, ကၱာ်​ထိ​ဘါ​အံာ်​ကဲၤ​စ​ခူၣ်​လူ.

စဲာ်​တ​စီာ် ကျ့ၤ​ဝှါ​ထါ​ဘဲာ်​အ​ဖါ, လ့ၤ​ရှံ​ကဲၤ​စဲာ်​ကျဲး​လီၤ​တ​စီာ်. စ​ကဲာ်​ဧဳၤ​ဒီ​လ့ၢ်​ထာ်, “​ဟိၣ်​စဲ​နၤ, အ​ဘဲာ်​ဟိး​ဝၱၤ​မၱာ်​ပၠၤ​အ​လ့ၤ​ဒဳ​က​ဘၱာ်​စဲာ်​အ​မံၤ​အ​ပူၤ​တ​ပွဲၤ​နဳၤ. အ​ဘဲာ်​ဟိး​ဝၱၤ​မၱာ်​အံၣ်​စ​ရ့​လး​အ​ဆး​ဖြး,” စ​ဒီၣ်​ဓဳၤ.

ယ့ၣ်​ရှူး​ဒီၣ် ရှံ​က့ၤ​စဲာ်​တ​စီာ်, “​ပၠၤ​အ​ဖဳး​က​ဘဲာ် ပဲၢ်​တီၤ​ပဲၢ်​သ့း အ​နံၤ ခံ​အ​ခၠၱး​ဘဲာ်​ထဳ.