ខគម្ពីរពេញនិយមពី သဓဳဖဳး 9

ចែក​រំលែក

ပ​ရၤ​ဆါ​ဘၱာ်​စဲာ်​ဒီ​ဝ​စဲာ်, “​လ့ၤ​ပီၢ်, မၤ​နဲၢ်​ဒဳၣ်, ပၠၤ​အ​ယဳၤ​တ​ပွဲၤ​မၱာ် တဲၤ​ရၱၢ်​တဲၤ​စူ​အ​ဘဲာ်​ရိၤ​ထာ်​ယ​နံၤ​ခံ, အ​က​လ့ၤ​အံာ်​လၤ​နံၤ​ကီ ပွဲၤ သူ​ကူာ်​ဖဳး​တ​စီာ် ကၱာ်​ဆဳး​ဖြဳ​ဆး​ဖြး​တ​စီာ်​ကၱာ် အံာ်​စ​ရ့​လး​ဖဳး​တ​စီာ် ယ​မံၤ​စါ​ထံ​နဳၤ.

စ​လၤ​ခူး​ကဲၤ ကၱာ် သၱာ်​ဟဲ​ဘဲာ်​ကဲၤ​တဲၤ​အ​လ့ၢ်​တ​ဓဲ, အ​ဒီၣ်​စဲာ်, “​စီၤ​စီ​လူး, စီၤ​စီ​လူး, န​လိၤ​မဲၤ​ဆဲး​ညဲ မၤ​ယဲၤ​နဲၢ်,” အ​ဒဲ​ကဲၤ​စဲာ်​ဓဳၤ. ကၱာ်​စ​ဒီၣ်​ရှံ​က့ၤ​လၢ်​ဝၤ, “​န​မၱာ်​ဒီ​ပီၢ်​ပွဲၤ, အဳ​ဘၱာ်​စဲာ်,” စ​ဒီၣ်​ကဲၤ​ဓဳၤ. တဲၤ​အ​လ့ၢ်​ဒီၣ်​ရှံ​က့ၤ​စဲာ်, “​ယ​မၱာ်​ယ့ၣ်​ရှူး, န​လိၤ​မဲၤ​ဆဲး​ညဲ​တ​ပွဲၤ​နဳၤ.

မဲၤ​က​နဳၤ​ဒဳၣ်, စီၤ​အ​နၤ​နံ လ့ၤ​ကဲၤ ကၱာ် စ​လ့ၤ​နံၢ်​ရှံၣ်​ပူၤ ကၱာ်​ထဲး​လၤ​ကဲၤ​စ​စူး​ခီး ဒဳ​လၢ်​ဝၤ​အ​ခဳး​နဳၤ, မဲၤ​ဝှါ​စ​ဒီၣ်​လၢ်​ဝၤ, “​အ​ပၱး​ကီ စီၤ​စီ​လူး, ဘၱာ်​စဲာ်​ယ့ၣ်​ရှူး, ထဲၢ်​အ​ပီၤ​ထာ်​ထၱး နဲၤ ဒဳ​ကျဲး​လီၤ ဘ့​န​လ့ၤ​ဘ့ ယဳၤ​တ​ပွဲၤ​နဳၤ, သ​ဓဳ​လ့ၤ ကဲၤ​ယဲၤ စာ်​ဘိ​ထဲၢ် န​ကၢ်​ဓူ​က​လှၱ​ထာ်​က့ၤ​ကၱာ် န​က​အီၣ်​ပ့​ထာ်​ပီၢ်​ကၱာ်​သူ​စါ​ထံ​နဳၤ,” စ​ဒီ​ဆး လၢ်​ဝၤ​ဓဳၤ. တ​ပျာ်​ခါ လီၤ, တဲၤ​မဲၤ​အ​န့ၤ​စာ်​ဘိ​ဓၢ်​ဖဳး​အ​ဘ့ာ်​တ​ဓဲ လၤ​တ့ၢ်​ကျီး​ဒဳ​စ​ကၢ်​ဓူ​အ​ဖျဳး လီၤ​နဳၤ, ကၱာ်​စ​ကၢ်​ဓူ​လှၱ​ထၣ်​က့ၤ​ဒဳၣ်, စ​ဝဲၢ်​ထဳး​ခး​ကဲၤ​တဲၤ​ဖဳး​စူ​ထံ.