ខគម្ពីរពេញនិយមពី LUKA 12

ចែក​រំលែក

Niema zaw a tingpacie pata aw tie ung, tahematapakieca Cawsaa Sacapaa ca nama mangkhuo linapa cuo lie khana aa vaw aa,” a ta.

Caacuonakawta ama pena kha huv taa ung la, hingpa hmang zaw hing pipuo pata nama cuo aa,” a ta.

Cakhutaata iema kha, “Karuo-awna phangting taa khata a cadang tie ung; tahematapakieca cawsaa pakha hringna ca a hnyirungna lie kha aw vyi,” a ta yi.

Tahematapakieca nama sue a awna lie khana nama pathiypalung zaw a aw ra aa.

Nama palung rie a thyi nakawta nama hringna siymaluo pakha chuo a pasiy sa vie khupa nama aw ma?

Zingsuv ta ziytuv tie kha, “Caacuonakawta ica chang yi, khaapama nama ning aa, khaapa caw ma namaa tue aa ta pata nama pangpa kawlie hne nama hringna kawlie kha nama palung rie thyi khah se.

Nama luv lie nama suobuv hmuota a ri diy. Nama thlaa zang khah se; niema ca mingbaw a hluvpuv laata nama sungnaa vie.

“Tuvrung cawta zaw, nama thlaa zang khah se, tahematapakieca niema'a luo pena pi riypa kha nama Paa palungtluona tana a cuo.

Ra-aa khiy rue tie ung: saciy vaa va yi, sa zaw hrie va yi, chechiy chinapa ing hne sa-ing zaw hnyi va yi, cuorasala Khazing ta a caw yi! Niema ca pavaa laata kha tluv tama nama sungnaa vie!

Caacuonakawta ning riypa hne dang riypa kaw kyalya rue pata nama palung rie thyi khah se.

Ataning hring te mawluo myi chung luo hmaw riypa ruo lie aphuv hing Khazing ta hing tluv ta a tuepangi kieca, niema changchiy ca kha tluv tama aca tuepangi vie'a yi? Nama zangna hing a caw hringhruo de!

Buvkhungpa bangkhuo kha pahawpa cuo'a te, a paruv ta tuepa bangkhuo kha pachang pata a cuo aa.