ខគម្ពីរពេញនិយមពី SAHRUOTHUNA 39

ចែក​រំលែក

ABYIPA ta Josef ca awpuo te, a tuepa bangkhuo lie tena a hmunglepa pakha ta a vya cuo. Ama ca Izipt ming a byipaapa ing lie kha a aw.

Caacuonakawta a hnyipa bangkhuo kha Josef kuv cunglieta chi diy te, a ningpa sa ta li pata ca khaapa kawlie hmuo a palung rie thyi vyi. Josef ca a pangruepa phasa te a puvthepa pakha ta a cuo.

Thaw-ing uvtuv ca ta thaw-ing lie a awpa thaw a tlapa bangkhuo kha Josef kuv cung luo kha pi te, thaw-ing lie khaapa hmang ama tue zawta Josef ta a patung a paphyi diy.

Caacuonakawta a byipaapa ta Josef ca patuv sa yi te, siepahruo ta thaw a pathlapa tie a ma khungnapa lie kha thaw pathla te capa lie ca a aw. Cuorasala ABYIPA ta Josef kha awpuo te aa hmangpa a duena ta a due nakawta, thaw-ing uvtuv hmielie kha hmiephaa a pahmung sa.

Cuo kha khutaata a byipaapa napuvnung ta Josef kha tlechuo te, “Naa vya ziehne tie,” a ta. Cuorasala bu te, a byipaapa napuvnung kyihuo khata, “Kama i aw nakawta ing chunglie a awpa khaapa kawlie hingta hmuo i byipaapa a palung rie thyi vyi, a hnyipa bangkhuo kha i kuv chunglieta a chi diy. Hingpa ing chunglie hing ama tluv ta naw hnyi angte, a napuv nama ta li pata ca i cuota a pahya lipa aw vyi. Tuokhaatama hing tluv ta a lepa pha lina ca tue'a angte Khazing hmiekunglie i sue aa?” a ta.

Cuorasala ning kha ca Josef kha re hrie riypata ing chung luo aa ngie pata, pakha hmuo ing chunglie ama aw li chung ta, a buohryi ta vya patuv te, “Naa ziehne tie!” a ta. Cuorasala Josef ta a buohryi kha a kuv chunglie thuse te ale luo aa ruo.