ខគម្ពីរពេញនិយមពី မာကု 1

ចែក​រំលែក

တွိုႏ​ဆုဲင်ꩻ​တ​ရဝ်ꩻ စဝ်း​စဝ်း၊ ခ​လား​ထာꩻ​က​လေ​နဝ်ꩻ ဗွေႏ​ယေ​သျု​ထွိုင်ႏ​တဲင် အဝ်ႏ​လမ်း ထန်ႏ​လွေꩻ​နဝ်ꩻ​သွူ။ ဝွေꩻ​ဗွေႏ အဝ်ႏ​ဝေင်ꩻ​ထန်ႏ​လွေꩻ ခင်ႏ​လမ်း​ယဉ် တ​ထွောင်း​တွော့ꩻ၊ နဝ်ꩻ​ကို​နဝ်ꩻ ဝွေꩻ​ဗွေႏ ဆု​တောင်ꩻ​နဝ်ꩻ​သွူ။

ဝွေꩻ​ဗွေႏ​ဒေါ့ꩻ၊ “​အ​ချိန်ႏ​တွိုႏ​လွဉ်​လဲဉ်း၊ ဗွေႏ​ဘု​ရာꩻ ခမ်း​ထီ​နဝ်ꩻ အဝ်ႏ​ဗော့ꩻ​ငါႏ​လဲဉ်း။ အဝ်ႏ​သီ​အ​ပဲစ်​ကို​ဖုံႏ​နဝ်ꩻ လꩻ​ချာ​သွော့ ထာꩻ​ကော့ꩻ​မာႏ​တွော့ꩻ ယွုမ်း​သွော့ ဗွေႏ​ဘု​ရာꩻ သ​တင်ꩻ​ဟဝ်​ဟုဲင်း” နုဲင်း​နဝ်ꩻ​သွူ။

ဗွေႏ​ယေ​သျု အဝ်ႏ​ထီ​ကို ထန်ႏ​လွဉ် တ​လဲင်ႏ​ချင်ꩻ ဝွေꩻ​ဗွေႏ ထီႏ​မို့ꩻ​ဗွောင်​တဲင် ဝိ​ညာဉ်ႏ​တောႏ အဝ်ႏ​ကျွꩻ​လင်ꩻ​လွဉ် ဝွေꩻ​ဗွေႏ​လောင်း ဗွိုန်​နုဲင်း ဝါး​လွီး​တ​ဗာႏ​နဝ်ꩻ​သွူ။ ငဝ်း​အဝ်ႏ ခမ်းထီမို့ꩻ​လောင်း သင်ႏ​လင်ꩻ​လွဉ်​ထာꩻ​နဝ်ꩻ၊ “​နာꩻ​နဝ်ꩻ​ထွာ ခွေ​က​ရက်​ငါႏ ပို​ခို​ရင်ꩻ။ တွမ်ႏ​နာꩻ​နဝ်ꩻ ခွေ​နစ်​သက်​ငါႏ” နုဲင်း​နဝ်ꩻ​သွူ။

ခွေ​နဝ်ꩻ​ဖေႏ​သီ ဗ​တ္တိ​ဇံႏ ထီ​မင်္ဂ​လာႏ စွဉ်ႏ​ထီ၊ ကွဲႏ​တွော့ꩻ ဝွေꩻ​နဝ်ꩻ အီႏ​ဖေႏ​သီ ဗ​တ္တိ​ဇံႏ​မင်္ဂ​လာꩻ စွဉ်ႏ​ကြောင်း​စင် ဝိ​ညာဉ်ႏ​တောႏ” နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ​သီး၊ “​လွေꩻ​လွဉ်ꩻ​ခွေ​တွော့ꩻ ဖေႏ​က​ဆွမ်ꩻ​ဒါႏ လိုꩻ​နဝ်ꩻ ခွေ​အီႏ​သွဉ်​ဖေႏ​သီ” နုဲင်း​နဝ်ꩻ​သွူ။ တ​လဲင်ႏ​ချင်ꩻ ဝွေꩻ​သီး​အွဉ်ႏ​ကုဲင် ဝွေꩻ​သီး​ခြယ်​ဖုံႏ​တဲင် လွေꩻ​လွဉ်ꩻ​စွဉ်ႏ ဝွေꩻ​ဗွေႏ​သွူ။

လိုꩻ​ဖုံႏ​က​ဟွိုန်​ဒါႏ ဝွေꩻ​ဗွေႏ ထာꩻ​သွဉ်​သင်​နယ်ꩻ​နဝ်ꩻ ဝွေꩻ​သီး အံႏ​ဖြာႏ​ငါႏ​ဝွေꩻ​ဗွေႏ၊ ပွိုး​ဝွေꩻ​ဗွေႏ​နဝ်ꩻ တ​ဗွိုန်​တဝ်း နုဲင်း​ကျမ်ꩻ​ဒါႏ ဆ​ရာႏ​ဖုံႏ​သွူ။ ဝွေꩻ​ဗွေႏ သွဉ်​သင်​နေး​ဒျာႏ စွဉ်ႏ​အာႏ​ဏာႏ​နဝ်ꩻ​သွူ။