ខគម្ពីរពេញនិយមពី ယောဟန် 15

ចែក​រំលែក

ခွေ​နဝ်ꩻ​ထွာ တ​ဗဲစ်​မွူး​တဲင် သီ​နဝ်ꩻ​ထွာ အ​ပင်​ဖုံႏ​သွူ။ လိုꩻ​က​အဝ်ႏ​သွုပ် တဉ်ႏ​ငီꩻ​ဒါႏ စွဉ်ႏ​ခွေ​နဝ်ꩻ ခွေ​တဲ့ အဝ်ႏ​သွုပ်​တဉ်ႏ​ငီꩻ​စွဉ်ႏ ဝွေꩻ​သီး​နဝ်ꩻ​မꩻ အ​ရာႏ အီႏ​ရာႏ​လွဉ် အာ​ဗာႏ​နဝ်ꩻ​သွူ။ ပေါႏ​ခွေ​တ​ပါ​တဝ်း​နဝ်ꩻ သီ​မာꩻ​တ​မုဲင်ꩻ​တဲ့ တ​လꩻ​နွောင်ꩻ​တဝ်း​သွူ။

အဝ်ႏ​သွုပ် တဉ်ႏ​ငီꩻ​သွော့ တွမ်ႏ​ခွေ တ​လွောင်ႏ တ​ဗူႏ​ချင်ႏ​တဲင် ခွေ​နဝ်ꩻ​တဲ့ အီႏ​အဝ်ႏ​သွုပ် တဉ်ႏ​ငီꩻ​ဒျာႏ​သီ တ​လွောင်ႏ တ​ဗူႏ​ချင်ႏ​နဝ်ꩻ​သွူ။ အ​ပင်​တ​ပင်​နဝ်ꩻ စွဉ်ႏ​ဝွေꩻ​နမ်း​ရင်ꩻ​ဒျာႏ အ​တ​ရာႏ​ချာ နွောင်ꩻ​တဝ်း​သွူ။ အ​ပင်​နဝ်ꩻ မဉ်ႏ​အဝ်ႏ​ဆွိုင်ꩻ​ငီꩻ​စွဉ်ႏ တ​ဗဲစ်​မွူး​နဝ်ꩻ​မꩻ အ​ရာႏ​ရာႏ​နွောင်ꩻ​နဝ်ꩻ​သွူ။ ဗွိုန်​နုဲင်း​နဝ်ꩻ​နေ​နေ သီ​မဉ်ႏ တ​အဝ်ႏ​သွုပ် တ​ဥ်ႏ​ငီꩻ​တဝ်း စွဉ်ႏ​ခွေ​နဝ်ꩻ သီ​အ​ရာႏ တ​ရာႏ​နွောင်ꩻ​တဝ်း​သွူ။

သီ​မဉ်ႏ​အဝ်ႏ​သွုပ် တဉ်ႏ​ငီꩻ​သော့ꩻ ခွေ​တဲင် ခွေ​ငဝ်း​ဖုံႏ မဉ်ႏ​အဝ်ႏ​သွုပ်​တဉ်ႏ​ငီꩻ သီ​အ​ကို၊ သီ​က​မဉ်​လꩻ သီ​က​အီႏ​ဆု​တောင်ꩻဒါႏ​ထာꩻ ကား​က​အဝ်ႏ​နဝ်ꩻ​တဲ့ သီ​အီႏ​လꩻ​နဝ်ꩻ​သွူ။

သီ​နဝ်ꩻ လွိုက်​ထူႏ​ခွေ တ​မွေး​တဝ်း၊ ခွေ​လွိုက်​ထူႏ​ဒျာႏ​တဲင် ခန်ꩻ​ဖေႏ​ဒျာႏ​သီ​တွော့ꩻ အ​ရာႏ​ဖုံႏ ဖေႏ​က​ရာႏ​ဗာႏ၊ အ​ရာႏ​အ​စား ခံႏ​ည​ဖုံႏ​နဝ်ꩻ​သွူ။ နဝ်ꩻ​မꩻ စွဉ်ႏ​ခွေ​အ​မဉ်ꩻ​နာႏ​မꩻ​တွော့ꩻ သီ​က​ဆု​တောင်ꩻဒါႏ ဝွေꩻ​ဗွေႏ​ထျꩻ ကား​က​အဝ်ႏ​နဝ်ꩻ ဖါ​တောႏ​အီႏ​ဖေႏ သီ​သွူ။

လိုꩻ​တ​ဖြာꩻ ထာꩻ​ရက်​မေ​တ္တာႏ အ​တန်​သွတ်ꩻ​နဝ်ꩻ ထွာ​ဝွေꩻ​သွꩻ​ဖုံႏ​တာႏ ဝွေꩻ​က​စွဉ်ꩻ​ဖေႏ​ဒါႏ အ​သက်​နဝ်ꩻ​သွူ။

အ​ရာႏ​တ​ရာႏ​တဝ်း အ​ပင် စွုမ်ႏ​ပင် က​အဝ်ႏ​ဆွိုင်ꩻ​ငီꩻ ခွေ​နဝ်ꩻ ဝွေꩻ​ဗွေႏ ဗက်ꩻ​ထန်ႏ​ထိုꩻ​တဲင် အ​ရာႏ​က​ရာႏ​ဒါႏ အ​ပင်​ဖုံႏ​စွုမ်ႏ​ပင် ဖေႏ​နေး​က​သျင်ꩻ​တွော့ꩻ က​ယိန်း​ရာႏ​အာ​လွို​နဝ်ꩻ ဝွေꩻ​ဗွေႏ မွဉ်း​ဖျင်​ဟဝ်​သွူ။

ခွေ​ပ​ညတ်​တောႏ​နဝ်ꩻ ထွာ​နုဲင်း​ယို​သွူ။ ဗွိုန်​နုဲင်း ခွေ​က​ရက်​သီ အ​တွိုင်ꩻ​နဝ်ꩻ တ​ဖြာꩻ​စွဉ်ႏ​တ​ဖြာꩻ ရက်​သွော့​လို့​ဝင်ꩻ​ဟုဲင်း။

စွဉ်ႏ​သီ​အ​ရာႏ​ဖုံႏ က​ရာႏ​အာ​ဒါႏ​နဝ်ꩻ မာꩻ​ထင်ႏ​သျာꩻ​တောင်ႏ​လေ​နယ် ခွေ​ဖါ​တော အ​ဘွုန်ꩻ​သ​ရေႏ​တောႏ​သွူ။ နဝ်ꩻ​မꩻ တွမ်ႏ​အနယ်ꩻ​ယို​နဝ်ꩻ သီ​ထွာ​လွဉ် ခွေ​တ​ပဲ့​တောႏ​ဖုံႏ​သွူ။

“​ခွေ​နဝ်ꩻ​ထွာ တ​ဗဲစ်​မွူး အ​စဲစ်​အ​မဲဉ်ႏ​တဲင် ခွေ​ဖါ​တောႏ​နဝ်ꩻ​ထွာ ဥ​ယျာဉ်ႏ​ခြံ​ဗွေႏ​သွူ။

ပါꩻ​မုဲင်ꩻ တ​အဝ်ႏ​သွုပ်​တဉ်ႏ​ငီꩻ​တဝ်း ခွေ​နဝ်ꩻ ဗွိုန်​နုဲင်း အ​ပင်​ဖုံႏ က​နုဲင်ႏ​ထန်ႏ​ထိုꩻ​တဲင် က​သဲင်​ထိုꩻ​နဝ်ꩻ​သွူ။ အ​ပင်​စား​နဝ်ꩻ​ဖုံႏ​နဝ်ꩻ အွဉ်ႏ​စု​ဗူႏ​တွော့ꩻ နုဲင်ႏ​သော့ꩻ​ထိုꩻ​ဒျာႏ မေႏ​ကို၊ နဝ်ꩻ​ကို အ​ပင်​ဖုံႏ​နဝ်ꩻ မေႏ​အီႏ​ခိုး​ထိုꩻ​လို့​ဒျာႏ​သွူ။

“​ဖေႏ​နေး ခွေ​ထာꩻ​သꩻ​ဟဝ်​သꩻ​ရေꩻ ယံ​က​အဝ်ႏ​သော့ꩻ သီ​အ​ကို​တဲင် သီ​ထာꩻ​သꩻ​ဟဝ်​သꩻ​ရေꩻ ယံ​က​ဗွေ စွုံႏ​လင်ႏ​လွဉ်​နဝ်ꩻ ခွေ​ဒေါ့ꩻ​ဖေႏ​ဗာႏ​သီ နုဲင်း​ယို​နဝ်ꩻ​သွူ။

ဗွိုန်​နုဲင်း ခွေ​က​လွောက်ꩻ​နာႏ ခွေ​ဖါ​တောႏ ပ​ညတ်​တောႏ​ဖုံႏ​တဲင် က​အဝ်ႏ​ငီꩻ​စွူ​စွူ​သော့ꩻ ဝွေꩻ​ဗွေႏ မေ​တ္တာႏ​တောႏ​ကို အ​တွိုင်ꩻ သီ​မဉ်ႏ လွောက်ꩻ​နာႏ ခွေ​ပ​ညတ်​ကျမ်ꩻ​ဖုံႏ​နဝ်ꩻ သီ​အီႏ​အဝ်ႏ​ငီꩻ​သော့ꩻ စွူ​စွူ​ဒျာႏ ခွေ​ထာꩻ​ရက် မေ​တ္တာႏ တောႏ​ကို​နဝ်ꩻ​သွူ။

နဝ်ꩻ​ထွူ နုဲင်း​ခွေ က​ပ​ညတ်​ဖေႏ​ဒါႏ သီ​နဝ်ꩻ ထွာ​နုဲင်း​ယို၊ တ​ဖြာꩻ​စွဉ်ႏ​တ​ဖြာꩻ ရက်​သွော့​လို့​ဝင်ꩻ​ဟုဲင်း။

သီ​မဉ်ႏ​ဆဲင်ႏ​ဒျာႏ​စွဉ်ႏ က​မ္ဘာႏ​လော​က​သား​နဝ်ꩻ က​မ္ဘာႏ​လော​က​သား​ဖုံႏ အီႏ​ရက်​ဒျာႏ​သီ နုဲင်း​အ​ခွိုꩻ​မျိုꩻ​ဖုံႏ​သွူ။ ကွဲႏ​တွော့ꩻ အဝ်ႏ​က​မ္ဘာႏ​လော​က​ကို​ယို​နဝ်ꩻ ခွေ​လွိုက်​ထူႏ​လဲဉ်း​သီ နဝ်ꩻ​မꩻ သီ​နဝ်ꩻ တ​ဆဲင်ႏ​တဝ်း​ဒွုမ် စွဉ်ႏ​က​မ္ဘာႏ​လော​က​သွူ။ ပွိုး​နုဲင်း​နဝ်ꩻ​မꩻ က​မ္ဘာႏ​လော​က​သား​နဝ်ꩻ လွꩻ​ထီႏ​သီ​သွူ။