ខគម្ពីរពេញនិយមពី ကမ္ဘာႏစ 35

ចែក​រំលែក

ဗွေႏ​ဘု​ရာꩻ မိန်း​ဖေႏ​ဝွေꩻ “​ခွေ​နဝ်ꩻ အ​န​န္တ​တန်ꩻခိုꩻ အ​ဗွေႏ ဗွေႏ​ဘု​ရာꩻ​သွူ။ ဖေႏ​နာꩻ​က​လꩻ​အာ ပို​ဖုံႏ။ နာꩻ​ပို​လီꩻ​စွိုး​ခွိုꩻ​နဝ်ꩻ ဖေႏ​နေး က​ထွာ​သွော့ လိုꩻ​အ​မျိုꩻ​မျိုꩻ​ဖုံႏ အဝ်ႏ​နာꩻ​စွိုး​ခွိုꩻ​ကို​နဝ်ꩻ ခွန်​ဖုံႏ အီႏ​ပေါႏ​လွဉ်​သွူ။ ခွေ​က​ဖေႏ​ဒါႏ အ​ဗြာ​ဟံ​တွမ်ႏ ဣ​သဲစ်​ခမ်း​နဝ်ꩻ ခွေ​အီႏ​ဖေႏ​သွုပ်​နာꩻ​တွမ်ႏ နာꩻ​ပို​လီꩻ​စွိုး​ခွိုꩻ​ဖုံႏ” နုဲင်း​နဝ်ꩻ​သွူ။

နီ​အဝ်ႏ​ယို​ကို အီႏ​ထန်ႏ​တဲင် အီႏ​လွေꩻ​ဗာႏ ဗေ​သ​လ​အ​ရပ်​သွူ၊ ခွေ​မော့ꩻ ထာꩻ​ယပ်ꩻ​ဒု​က္ခ​ချိန်ႏ ကယ်ႏ​ခွေ​တဲင် ခွေ​လွေꩻ​မုဲင်ꩻ​ကို​တဲ့ က​အဝ်ႏ​ငီꩻ​ဒါႏ ဗွေႏ​ဘု​ရာꩻ​နဝ်ꩻ​အ​တာႏ ခွေ​အီႏ​လွေꩻ​တယ်ႏ ယဇ်​ပ​လ္လင်ႏ​တ​ဗာႏ ခင်ႏ​လမ်း နဝ်ꩻ​ကို​ရပ်​သွူ။”

ဗွေႏ​ဘု​ရာꩻ မိန်း​ဖေႏ​ဝွေꩻ “​နာꩻ​မဉ်ꩻ​နဝ်ꩻ ယာ​ကုပ်​ဒျာႏ ကွဲႏတွော့ꩻ တယ်ႏ​ယို​မာꩻ​ငါ နာꩻ​မဉ်ꩻ​နဝ်ꩻ အီႏ​ဟဲ့ꩻ​ဗာႏ​ဒျာႏ ဣ​သ​ရေး” နုဲင်း​နဝ်ꩻ​သွူ။ ကွပ်​နဝ်ꩻ​မꩻ ယာ​ကုပ်​နဝ်ꩻ ဗွေႏ​ဘု​ရာꩻ ဖန်​ဟဲ့ꩻ​ဖေႏ​တော ဝွေꩻ​မဉ်ꩻ ဣ​သ​ရေး​နဝ်ꩻ​သွူ။

နဝ်ꩻ​မꩻ ယာ​ကုပ်​ဒေါ့ꩻ​ဖေႏ ဝွေꩻ​တ​မွိုး​ဖါ​ပို​စွိုꩻ​တွမ်ႏ လိုꩻ​က​အဝ်ႏ​ငီꩻ​ဒါႏ​ဝွေꩻ “​သီ​ထျꩻ ဘု​ရာꩻ​အ​လင်​ဖုံႏ​နဝ်ꩻ စွ​ဥ်ꩻ​ထိုꩻ​ခန်း၊ မာꩻ​ကြောင်း​ကြောင်း​နမ်း​တဲင် ကွဉ်ကꩻ​သွော့ ခွမ်ꩻ​လာꩻ​ကြောင်း​ဖုံႏ​ဟုဲင်း။

ဗွေႏ​ဘု​ရာꩻ မိန်း​ဖေႏ​ယာ​ကုပ် “​ယို​ခါ နာꩻ​လွေꩻ ဗေ​သ​လ​တွော့ꩻ အုံ​သွော့ နဝ်ꩻ​ကို၊ နာꩻ​က​အဝ်ႏ​ဖင်း​လဲ့ သျောင်ႏ​ညာꩻ​ဗာႏ နာꩻ​ဝေး​ခို ဧ​သော​ချိန်ႏ က​ပေါႏ​နယ်​ဒါႏ ခွေ​နမ်း​ဘု​ရာꩻ ယို​အ​တာႏ တယ်ႏ​ဖေႏ​သွော့ ယဇ်​ပ​လ္လင်ႏ တ​ဗာႏ​ဟုဲင်း။”

ကွဲႏတွော့ꩻ ဝွေꩻ​မူႏ အီႏ​သီ အဝ်ႏ​သာ​ပင်ႏ​ထာꩻ​တွင်ꩻ ဝွေꩻ​ဖန်​ဟဲ့ꩻ​ဖေႏ အ​ပို​ခို​မဉ်ꩻ ဗေ​နော​နိ​သွူ။ ကွဲႏတွော့ꩻ အ​ဖါ​နဝ်ꩻ ဖန်​ဖေႏ​ဒျာႏ ဗေင်​ယာ​မိန် နုဲင်း​နဝ်ꩻ​သွူ။