ខគម្ពីរពេញនិយមពី တမန်ႏတောႏ 5

ចែក​រំលែក

ပေ​တ​ရု​တွမ်ႏ တ​မန်ႏ​တောႏ အ​လင်​ဖုံႏ လဝ်း​ချာ၊ “​နီ​နဝ်ꩻ​လွောက်ꩻ​နာႏ​ဗာႏ​ဒျာႏ ဗွေႏ​ဘု​ရာꩻ​ငဝ်း။ နာႏ​ဗာႏ​တဝ်း လိုꩻ​ငဝ်း​သွူ။

စွုမ်ႏ​နီꩻ​နီꩻ ဗိ​မာန်ႏ​တောႏ ကျောင်ꩻကို​တွမ်ႏ လိုꩻ​ဖုံႏ အ​လမ်း​ကို​နဝ်ꩻ ပွိုင်း​ဝွို့​တွမ်ႏ ဗွေႏ​ယေ​သျု​နဝ်ꩻ​ထွာ မေ​သျိ​ယ​ခ​ရာႏ သ​တင်ꩻ​ဟဝ်​နဝ်ꩻ ဝွေꩻ​သီး သွဉ်သင် ဟော်ꩻ​ဖေႏ​သွုပ်​ဒျာႏနဝ်ꩻ​သွူ။

ပေ​တ​ရု ဒေါ့ꩻ​ဖေႏ​ဝွေꩻ၊ “​အာ​နာ​နိ၊ ပွိုး​တ​မုဲင်ꩻ နာꩻ​ဖေႏ​ဗာႏ​တွိုႏ စာႏ​တန်ႏ​အ​ခွင်ꩻ အုပ်​စိုꩻ​နာꩻ​တဲင် စွဉ်ႏ​က​ထူႏ​သေꩻ​ခါꩻ ရွဉ်​တ​ထာႏ​ဝ နာꩻ​က​စာ​လဲဉ်း​ဒါႏ ဥ​စ္စာႏ​ပ​စ္စေꩻ​နဝ်ꩻ နာꩻ​လိန်ႏ​လဲဉ်​အီ​ဗာႏ​တွိုႏ ကြောင်း​စင် ဝိ​ညာဉ်ႏ​တောႏ နုဲင်း​မုဲင်ꩻ​ဟောင်း။ ခ​လား​နာꩻ​က​စာ ဥ​စ္စာႏ​ပ​စ္စေꩻ​နဝ်ꩻ နာꩻ​ထာꩻ​ခြိုꩻ​ပဲင်ႏ​ဒျာႏ။ တဲင်​နာꩻ​စာ​ထွူ ရွဉ်​နဝ်ꩻ ထွာ​ဒျာႏ​နာꩻ​ရွဉ်။ နဝ်ꩻ​ထွူ ဖေႏ​က​မာꩻ​ထိုꩻ​ဗာႏ အ​စား​နုဲင်းနဝ်ꩻ​နဝ်ꩻ ပွိုး​တ​မုဲင်ꩻ နာꩻ​ဆွုံꩻ​ဖျတ်​ဗာႏ​တွိုႏ နုဲင်း​မုဲင်ꩻ​ဟောင်း။ နာꩻ​လဲဉ် လိုꩻ​လွုမ်ꩻ​တ​မွေး​တဝ်း၊ နာꩻ​လဲဉ်​ဒျာႏ ဗွေႏ​ဘု​ရာꩻ” နုဲင်း​နဝ်ꩻ​သွူ။ အာ​နာ​နိ ထွိုင်ႏ​ဟွိုန် ငဝ်း​နုဲင်း​ယို တ​လဲင်ႏ​ချင်ꩻ ဝွေꩻ​ဝꩻ​လင်ꩻ သီ​ထိုꩻ​စွဉ်ႏ​တဲင် လိုꩻ​က​ဟွိုန်​ဗာႏ​ဒါႏ ထာꩻ​ယို​ခ​ရာႏ​သား ကား​က​အဝ်ႏ​နဝ်ꩻ ငမ်း​သꩻ​လွ​စွဉ်ႏ​သွူ။

နဝ်ꩻ​မꩻ ကိ​စ္စ​ယို​နဝ်ꩻ ခွေ​ဒေါ့ꩻ​ဖေႏ​သီ၊ တွမ်ႏ​ဆန်​ချာ​မွိုန်း လိုꩻ​စား​ယို​ဖုံႏ တ​မုဲင်ꩻ​မုဲင်ꩻ။ အွဉ်ႏ​ဗော့ꩻ​ဝွေꩻ​သီး​နုဲင်း​နဝ်ꩻ​ဟုဲင်း၊ မဉ်ႏ​ထွာ ဝွေꩻ​သီး​အ​ကျံႏ​တွော့ꩻ ထွာ​ဒျာႏ လိုꩻ​ဇာႏ​တိ​ထာꩻ​မာꩻ​နဝ်ꩻ အီႏ​ထိုꩻ​မား​ထိုꩻ​ဒျာႏ​သွူ။ ကွဲႏ​တွော့ꩻ မဉ်ႏ​ထွာ အဝ်ႏ​ဗွေႏ​ဘု​ရာꩻ​ထျꩻ​လွဉ် အ​ကျံႏ​တောႏ​နဝ်ꩻ သီ​ယား​ကုဲင်​ထိုꩻ ဝွေꩻ​သီး တ​လꩻ​နွောင်ꩻ​တဝ်း​သွူ။ သီ​နမ်း​နဝ်ꩻ​တဲ့ ထွာ​ဒျာႏ သီ​အဝ်ႏ​ထုမ်ႏ တွိုက်ꩻ​ဆန်​ချာ ဗွေႏ​ဘု​ရာꩻ” နုဲင်း​နဝ်ꩻ​သွူ။ နုဲင်း​ဂါ​မ​လေ​လ က​ဖေႏ​ကျံႏ​နဝ်ꩻ ကောင်​စီ​စွုမ်ꩻ​စွိုꩻ​နဝ်ꩻ စူꩻ​လွဉ်ꩻ​စွဉ်ႏ​သွူ။။