ខគម្ពីរពេញនិយមពី لوقای انجیل 3

ចែក​រំលែក

او زمؤنی که مَردم همته تعمید گیتدبون و عیسی هم تعمید بِیته بو و دُعا کادبو، آسمونؤن بازَ بو و روح‌القدس جسم میئن، یکته کبتر مورسون اونه سر جیر بومه، و صدایی آسمون میئن فیبیته که «تو می محبوب ریکه ایسّی، مو تی جَی خیلی راضی ام.»

یحیی جواب اوشونِ به ایی بو: «مو شَمره آؤ امره تعمید دِئنَم، امّا کَسی از مو تواناتر هنه که مو حتی قابل نیَم اونه چاروقِ بَند بازا کونَم. او شَمره روح‌القدس و آتش امره تعمید دِئنه.

پَس شیمه اعمال أمره نیشون بدین که راست راستِ توبه بودین و شیمه أمره نگین که ”أمه پئر ابراهیم ایسّه.“ چونکه شَمره گونَم، خُدا قادر ایسّه ایی سنگونای ابراهیم به زاکؤن چاکونی.

حتی الؤنم تؤر، ده دارؤن بنِه سَر هنّه. هینه واسه هر دأری که خوروم بار هَندای، ببِه و آتش میئن باگده بنه.»

هینه واسه عین اوچی که اِشعیای پیغمبر گبؤن کتاب میئن بنویشته بوبؤ که: «صدای او مرداکی که بیابؤن میئن فریاد زِئنه، ”خُداوند راهِ آبادَ کونین! اونه مسیرؤنِ هموارَ کونین! همۀ درِه‌ أن پُورا بنه و همۀ کوهؤن و پوشته أن پَستَ بنن؛ کَج راهون، مستقیم و پست و بلند راهون، صاف بنن. هووخت تموم آدمون، خُدا نجاتِ اینَن.“‌»