ខគម្ពីរពេញនិយមពី Luk 10

ចែក​រំលែក

So, ãi tũwarare haf edde bissure ṭenge fiši maribolla edde dušmon Šoitanor har šokti loi ziti faribolla šokti diyi. Hono kissuye tũwarare hoti gori no faribo.

Kintu malik Isaye zuwabe hodde: "Martá! Tui bout hame duwadit edde sintat. Kintu ekkan šude zoruri ham ase. Moriyame he hamman basi loiye, hetolla hiyan hibattu loi fela no zaibo."

He hite hodde: "'Tũi tũwar šomosto dil, šomosto mon, šomosto foran, šomosto šokti, diyore Allah Mabudore muhabbot goro. Ar tũwar ḍen gór bam gójjare nizor zani muhabbot goro.'"

Isaye hitarare hodde, "Hãsa, dán beši foille kintu dán daoya manuš hom. Etolla danor malikor hãse foriyad goro zene malike hibar dán daibolla manuš faṭai de.

"Ehon tũwattu ki mone o? Ei tinzonor maze hone he ḍahaitor hatot fora manušwar ḍen gór bam gójja?" He aleme zuwabe hodde, "Ze manušwaye hitare ador hatir goijje hite." Toi Isaye hitare hodde, "Toile tũi o zo he mozin gorogoi."

Tũwara zo! Ãi tũwarare sool hisabe genḍa bagor okkolor butore defeṛair.