ខគម្ពីរពេញនិយមពី Torah 28

ចែក​រំលែក

Ar sa, ãi tor fũwati asi, tui zeṛe zaibi za, ãi tore rokka goriyum, edde ãi tore ei zagat loi aniyum; kiyollahoile ãi tore wada diyide hin goijja no oite ãi tore eri no zaiyumboi."

Ar MABUDE hiyanor uwore tiyaiye edde hodde: "Ãi MABUD, tor baf Ibrahimor edde Isakor Allah. Tui zeṛe neṛi roiyos he zaga hiyanore ãi tore edde tor bongšore diyum.

Bade Yakubor gum bainge edde hiba hodde, "Ei zagat hameka MABUD ase, ar ãi to iyan no zanitam."

Toi Yakube ek manoš goijje edde hodde, "Zodi Allah ãr fũwati take edde zeṛe zair he fõtot ãre rokka gore, edde ãre háibolla hána ar findibolla hoor de, ar zodi šušondane ãi bafor górot firi aifari, toile ei MABUD ãr Allah oibo. Ar ze fattor ãi eṛe faiyar ḍoilla tiya gorai raikki, hiyan Allar gór oibo, ar tũi za kissu ãre diba hinor doš bag ai tũware diyum."

Tor bongšo okkol duniyair dúilor ḍoilla oibo edde fuk fosim edde uttor doine tor bongšo šiṛi zaiboi, edde tui edde tor bongšor duwara duniyair hár zatire duwa gora oibo.

Ar he zagar nam diye Betel, zodi o he šohorganor nam age Luz aššil.