ខគម្ពីរពេញនិយមពី यूहन्ना 15

ចែក​រំលែក

मैं दाखलता हौं, तुम हँगईय्या हौ। जो मेरे मैं बनो रहथै और मैं बामै बनो रहथौं, बौ भौत फरथै, काहैकि तुम मोसे अलग हुईकै कछु नाय कर सकथौ।

तुम मेरे मैं बने रहबौ, और मैं तुम मैं बनो रैहंगो। जैसे कि हँगईय्या दाखलता से नाय जुरी होबै तौ अपने आप से नाय फर सकथै, बैसिये तुम अगर मेरे मैं नाय बने रैहगे तौ नाय फर सकथौ।”

अगर तुम मेरे मैं बने रहै और मेरो बचन तुमरे मैं बनो रहो, तौ चाँहे जो कछु माँगौ बौ तुमरे ताहीं हुई जाबैगो।

तुम मोकै नाय छाँटे पर मैं तुमकै चुनो हौं और मैं तुमकै छाँट कै रखो हौं कि तुम जाएकै फरौ और तुमरो फरा टिको रहबै, कि तुम मेरे नाओं से जो कछु परम दऊवा से माँगौ, बौ तुमकै देबै।

जासे बड़ो प्यार कोई को ना है कि कोई अपने दोस्तन के ताहीं अपनी ज्यान दै देबै।

जो हँगईय्या मेरे मैं है और नाय फरथै, बाकै बौ काट देथै; और जो फरथै, बाकै बौ छाँटथै ताकी और फरै।

मेरी आग्या जौ है, कि जैसो मैं तुमसे प्यार करो हौं, बैसिये तुम्हऊँ एक-दुसरे से प्यार करौ।

जहे से मेरे परम दऊवा की महिमा होथै कि तुम गजबै फरौ तभई तुम मेरे चेला माने जागे।

“सच्ची दाखलता मैं हौं, और मेरो दऊवा रखबरिया है।

अगर कोई मेरे मैं नाय बनो रहबै, तौ बौ हँगईय्या के हानी फेंक दौ जाथै, और सूख जाथै; और लोग उनकै बटोरकै आगी मैं डार देथैं, बे पजर जाथैं।

मैं जे बात तुमसे इसलै कहो हौं, कि मेरी खुसी तुम मैं बनी रहबै, और तुमरी खुसी पूरी हुई जाबै।

अगर तुम मेरी आग्या कै मानैगे, तौ मेरे प्यार मैं बने रहबैगे; जैसे कि मैं अपने परम दऊवा के हुकम कै मानो हौं, और बाके प्यार मैं बनो रहथौं।

जे बातन को आग्या मैं तुमकै इसलै देथौं कि तुम एक-दुसरे से प्यार करौ।

अगर तुम जौ दुनिया के होते, तौ जौ दुनिया अपने से प्यार करती; पर जौ बजह से कि तुम जौ दुनिया के ना हौ, बल्कि मैं तुमकै जौ दुनिया से चुन लौ हौं, जहे ताहीं जौ दुनिया तुमसे बैर रखथै।