ខគម្ពីរពេញនិយមពី Потон 15

ចែក​រំលែក

Со шуиз: «Инмаредлэсь Кузё-Инмарлэсь верамзэ кылзӥд ке, Солэн азяз ярамон уж лэсьтӥд ке, Солэсь курон-косонъёссэ санэ поныса улӥд ке, Солэсь вань пуктон-косонъёссэ быдэсъяса улӥд ке, Египет вылэ лэзем одӥг висёнэз но тон вылэ уг лэзьы; уго Мон – Кузё-Инмар [тынад Инмаред], тонэ эмъясь».

Кузё-Инмар – юнматскон интые, мынам данъяськонэ, Со мынам утиськон сётӥсе. Со мынам Инмаре, мон Сое данъяло; Со мынам атаелэн Инмарез, мон Сое вылӥ каро.

Инмаръёс пӧлын кин вань Тон кадез, Кузё-Инмаре? Кин вань Тон кадь дун-сьӧлыктэмез, быдӟымлыкоез, ушъяны ярамонэз, паймымон ужъёс лэсьтӥсез?

Мозмытэм калыктэ Тон гажаса-жаляса валтӥськод, та калыкез Аслад святой улон интыяд Ас кужыменыд келяса нуиськод.

Вуизы Меррае, но Мерраын вуэз юэмзы ӧз луы, со курыт вал, соин ик со [интылэн] нимыз но: Мерра. Соку калык Моисей вылэ йыркуръяськыны кутскиз, солэсь тазьы юаз: «Мае юомы?» [Моисей] Кузё-Инмарлы тэльмырыса вазиськиз. Кузё-Инмар солы писпуэз возьматӥз. Моисей сое вуэ куштӥз но, ву ческыт луиз. Отысен Инмар калыклы пуктон-косон но закон сётӥз, отысен соосты Со чаклаз-эскериз.