ខគម្ពីរពេញនិយមពី Улон-вылон 32

ចែក​រំលែក

Соку Со шуиз: «Туннэ нуналысен тынад нимыд Иаков уз ни луы, Израиль луоз, уго тон Инмарен нюръяськид, адями пиосты вормылӥсь тон луод».

Со шуиз: «Лэзь Монэ, куазь сактэ ни ук». Иаков шуиз: «Монэ бакель карытозяд, уг лэзьы».

Иаков огназ кылиз, ӵук ӟардытозь Кин ке но Со соин нюръяськыса улӥз

Та интылы Иаков Пенуэл ним сётӥз, со шуиз: «Мон ваче ымныр Инмарез адӟи, но улэп кыли».

Кин ке но Со адӟиз, Иаковез вормемез уг луы шуыса, соку, нюръяськыкузы, Со Иаковлэн макес ёзэз борды йӧтӥськиз но солэсь макес ёззэ вӧсь кариз

Соку Со юаз: «Кызьы тынад нимыд?» Со шуиз: «Иаков».

Иаков но тазьы шуыса юаз: «Тон [мыным] Аслэсьтыд нимдэ вера». Со шуиз: «Малы тон Мынэсьтым нимме юаськод? [Со паймымон]». Соку сое отысен бакель кариз.

Ас ляльчиедлы Тон мар сётӥд – вань гажан-жалянъёстэ, вань ӟечлыкъёстэ басьтыны мон ярасьтэм мурт, уго мон, бодыме кутыса, та Иордан пыр выжи, нош али мынам кык уллёе.

Соин ик та нуналозь но Израиль пиос макес ёзысь сӧнэз уг сиё, малы ке шуоно Иаковен Нюръяськись солэн макес ёзысьтыз сӧнэз борды йӧтӥськиз.

Иаков шуиз: «Авраам атаелэн Инмарез, Исаак атаелэн Инмарез, [Инмаре] Кузё-Инмаре, Тон мыным шуид: ”Ас музъемад, дор музъемад берытскы, Мон тыныд ӟечлык сётыса уло”.

Уть монэ братэлэн киулаз сюронлэсь, Исавлэн киызлэсь уть; уго мон солэсь кышкасько, со лыктыса монэ [но] нылпиосме анайёсынызы ӵош виёз шуыса кышкасько.