ខគម្ពីរពេញនិយមពី San Marcos 14

ចែក​រំលែក

Ja̧'hua̧ta̧nö̧ Diosrö ucuocuinödo: —Ttö Chä'o, ucumä o'ca juiyönä jȩpö̧jä̧. Ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

To̧pä̧rö̧ ka̧cuä̧tu̧cui̧. Diosrö ucuocuätucui, ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

Iso päi'önä pä'ösä ucuturu, pi̧jä̧ pa̧ja̧cu̧nä̧ ttö̧ja̧ suronä jȩttö̧ jȩpö̧ icuähuä huȩnȩ jittähuomenä, piju isaju jȩjä̧ji̧'i̧nä̧ jittähuäcuotö jahuäjuru ttamöcuäda pä'ö, —pä'inödo Jesús.

Jahuätörö pä'inödo: —Ttö 'corupädi'ometä päi'a'a rö̧ȩnä̧ cha̧'cua̧ tta̧'ȩcui̧pö̧sä̧. Ucutumä pȩnȩtä̧ kä̧nö̧, to̧pä̧rä̧tu̧cui̧ cuä'ätucuoca'a.

Ja̧'hua̧nö̧ ttu̧cuȩ ttucuomenä, Jesús i̧ri̧si̧ u̧mö̧nä̧ 'chu̧'ä̧rö̧, Jä'o Diosrö ucuocuinödo. Ucuocuäji'ca̧, 'tȩ'chä̧rö̧ iyinödo u̧huo̧juȩtä̧u̧ru̧. Jahuätörö pä'inödo: —Ja̧ja̧. Pi̧yȩmä̧ ttötä jä̧ttä̧pä̧ya̧sä̧.

Ja̧u̧nu̧ o'ca'a i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧, iyinödo jahuätörö. Jahuätö o'ca toi'önä ahuinätödo. Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.

Juhua'attö Jesús pä'inödo u̧huo̧juȩtä̧u̧ru̧: —Jitä yodo ucutumä o'ca toi'önä ttörö jarocu'ipäcuotöjä. Huȩyu̧cuä̧ Huȩnȩ päa'a: “O̧vȩja̧stö̧rö̧ tta̧huä̧rä̧cuä̧huä̧ i̧sa̧rö̧ cuä'ö chi̧cuä̧cua̧. Ja̧u̧ru̧ cuä'ö chicu o'ca'a, o̧vȩja̧stö̧ töttipächäcuotö.”

Ä̧rä̧mi̧'ä̧tu̧cui̧ ti̧'chä̧tu̧cua̧. Ttörö suronä jȩpä̧tö̧rö̧ i̧yä̧cua̧mä̧ täcö ichö, —pä'inödo Jesús.

Ja̧'hua̧nö̧ ja̧'a̧nä̧ Jesús päinäcudo: —Iso päi'önä pä'ösä ucuru, jitä yodo äcärä todärenä huoäcua'a ä'canä, ucumä huäbodäcuä jo̧mȩnä̧ cuä̧ppö̧tä̧rä̧cua̧jä̧ ttörö.