ខគម្ពីរពេញនិយមពី San Marcos 12

ចែក​រំលែក

Jesús ädätinäcudo: —Korottö'inä abonänö adihuä juäi hueähuä huȩnȩ pi̧yȩjä̧: “Ä̧ju̧cuä̧tu̧cui̧ Israel ttö̧ja̧, Tu̧ru̧hua̧ Diostä, ya̧tȩtä̧ Tu̧ru̧hua̧mä̧. Cu̧ru̧hua̧ Diosrö cuami iso'quinä'inä, cua̧'cua̧ru̧hua̧nä̧'i̧nä̧, cuamöcuädönä'inä, cujurunä'inä o'ca juiyönä repe'i.” Pi̧yȩmä̧ korottö'inä abonänö adihuä juäi hueähuä huȩnȩ. Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.” Hueähuä huȩnȩ pi̧yȩttö̧'i̧nä̧ abonänö adiumä juiya'a.

Ja̧'hua̧ ja̧'a̧ Jesús u̧huo̧juȩtä̧u̧ru̧ huopö pä'inödo jahuätörö: —Iso päi'önä pä'ösä ucuturu, paju recua, usurä isaju kö̧ja̧'a̧nä̧, o'ca toi'önä pärätä ȩnä̧tö̧ttö̧'i̧nä̧ abonänö rö̧ȩnä̧ ȩnö̧ iyäjäju. Jahuätö o'ca toi'önä ttöäre o'ca'a ka̧cui̧pa̧'a̧nä̧ iyäjätö. Jahuäjumä usurä isaju ka̧'a̧nä̧, o'ca juiyönä köäre ȩmä̧huä̧ micuä iyäjäju, —pä'inödo Jesús.

Koro mo̧ro̧ päi'omenä, Jesús Diosrö ucuocuäcuähuodenä ofrenda ȩnä̧huä̧ca̧nä̧ pätecuänö pä̧nö̧, topinödo pärätä ttȩna̧'a̧. Järe ruhuotö pärätä rö̧ȩnä̧ ttȩna̧'a̧ topinödo. Ja̧'hua̧ ja̧'a̧ yajute recua, usurä isaju, 'chä̧hui̧'ö̧ ja̧huä̧ca̧nä̧ pärätä̧bi̧ ji̧'qui̧cha̧jä̧bi̧ to̧bi̧rȩtä̧ kȩna̧'a̧ topinödo. Ja̧u̧ o̧bi̧ ji̧'qui̧cha̧nö̧tä̧ micuähuina'ado.

Ja̧'hua̧ta̧nö̧ Diosrö tami iso'quinä'inä, tamöcuädönä'inä, ta̧'cua̧ru̧hua̧nä̧'i̧nä̧, tujurunä'inä repetomenä, sacrificios'inä, ofrendas'inä ku icuähuättö'inä abonänö adihua'a. Ja̧'hua̧ta̧nö̧ ta̧hua̧ru̧hua̧rö̧ tamönä repetäu ta'anö repetomenä, sacrificios'inä, ofrendas'inä ku icuähuättö'inä abonänö adihua'a.

Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús. Ja̧'hua̧nö̧ ttä̧ju̧cuo̧mȩnä̧, to̧pä̧rö̧ ka̧cui̧nä̧tö̧do.