ខគម្ពីរពេញនិយមពី Baroma 5

ចែក​រំលែក

Si Ongo yeke álosise changanama kwa atúla àtusimire busese, bushi mango twábaa tuchíri bandu ba bibi, Kirisito era kufa bushi netu.

No'yu munyiiro àtatufuna emuchima, bushi Ongo ábikire enzii yai mira mwa michima yetu kurengera eMuchima Mubuya-buya ola átweresise.

Ala'uma ne'bi byoshi, kanji twénjire twámowa mwa malibuko ma twárenga'mo. Bushi twìshi kwa amu malibuko mu ménde mátuma twáata ebushibirisi. No'bu bushibirisi bu bwénde bwátuma twába bandu ba kuchinyiirwa kanangana. No'ku kuchinyiirwa kukwende kwátuma twáata emunyiiro.

Kubinali, Ongo átuirire kuba bandu ba bàtungenene era muhondo sai kurengera ebwemeresi. Rero twera tùli mwa bôlo nai kurengera Enawetu Yesu Kirisito. Na kurengera obu bwemeresi, Yesu átweresise ebuashi bwe'kuchifunda ofu ne'bonjo bwa Ongo. Na mwo'bu bonjo, mu tunáchiri lwarero. Bushi no'ku, twénjire twámowa, bushi twéte emunyiiro kwa tukábona kwa bulangare bwa Ongo.

Bushi kwa bihangi bya Ongo ábaa ákunganyise mira, na mango twábaa tuchíri tutéte chiro na misi isibya, Kirisito era kufira ebandu be'mabi.

Rero kurengera emikira yai, Ongo átuírire kuba bandu ba bàtungenene. Echera chàlosa kanangana kwa Yesu akátununula mango Ongo akáchinjibusa ebandu mwa bute bwai.

Na kukulikana no'kwa mundu muuma, Atamu, iwánanaa kuira kwa Ongo àtechire, bandu banene bérire bába bandu ba bibi. Kuno'ku, kukulikana na mundu muuma, Yesu Kirisito, iwáiraa kwa Ongo àtechire, bandu banene bakére báanjibwa nga ba bàtungenene era muhondo sa Ongo.

Kanji atá ebyera oshâo, si twénjire twámoera Ongo kurengera Enawetu Yesu Kirisito, iwérire wátuhubya mwa buuma na Ongo.