ខគម្ពីរពេញនិយមពី Baroma 12

ចែក​រំលែក

Muténdaa mwákulikira emyanya ye'bandu be'sine suku. Si murékaa Ongo abábindule mwa kuhuba kuira ebwenge bwenyu kuba buyayaya. Mwa bacha, mungáala kunde mwámenyerera bya Ongo áhonda: bya bìri bibuya, bya bimúsimise, ne'bya bìlumirire.

Rero banyaketu, bushi ne'bonjo bwa Ongo átulosise, náběma mundaa mwâna emibiri yenyu kuba mitulo* era ìri iuma-uma, ibuya-buya, kanji era imúsimise. Eyera i'njira ye'kanangana ye'kumwera.

Mundaa mwámowa bushi ne'munyiiro ola mutúsa. Mundaa mwáata ebushibirisi mwa malibuko, na kunde mwéma busira kutama.

Uténdaa wêmerera kuimwa ne'mabi, si úndaa wáima'mo mwa kuira emabuya.

Mundaa mwásimana busese nga bauma, na kunde mwáata bushiru mwa kwêresanya etunda.

Enzii yenyu indaa yánaba ya kanangana. Mundaa mwáaya emabi, si mundaa mwásimika mwa mabuya.

Akaba bìngaalikana, kukulikana ne'buashi bwenyu, mundaa mwába mwa bôlo ne'bandu boshi.

Banyaketu basiirwa, muténdaa mwáchifuna. Si mundaa mwárekera Ongo echihangi che'kubafúna kukulikana ne'bute bwai. Bushi byǎnjikirwe mwa Maanjiko Mabuya-buya mbu: «Nyono, nyi nyikáfuna ebandu na kwêmba chira mundu kukulikana na bya áiraa.»

Mùtabaa ngalisi, si mundaa mwákorera Enawetu na bushiru kanji na muchima muuma.

Bushi ne'ngahanyi sa Ongo ányeresise, bacha ku nábabura muboshi: Kùtabaa mundu ola úndaa wáchitola nga iwète mufa kurenza kwa àli. Si mundaa mwáchitola ngo'kwa munáli, chira mundu kukulikana ne'chipimo che'bwemeresi bwa Ongo ámweresise.

Muténdaa mwáfulusisa emundu emabi kwa manji. Mundaa mwáira bya bandu boshi baséne kwa bikomire.

Mundaa mwômvikana mwa kachi-kachi kenyu. Muténdaa mwáata mianyisa ya kuchěrusa, si mundaa mwákomerana ne'barembu. Muténdaa mwáchitola nga ba bète bwenge bunene.

Si kanji byǎnjikirwe mbu: «Akaba emurenda wao áfa businya, umwêresaa ebiryo. Na akaba áfa châmi, umwêresaa ebye'kumwa. Ekuíra bacha, kuli ngo'kwa bàngamubika engala-kala sa sákorera busese kwe'twe.»

Mundaa mwáhanyira ba bénde bábalibusa. Mundaa mwáhanyira'bo, si muténdaa mwábatakira. Mundaa mwámowa na ba bámowa. Mundaa mwálira na ba bálira.

Mundaa mwáasa ebandu ba Ongo mwa malae mabo, na kunde mwáhuukasa baenyi.

Emubiri atúla muuma, si atúsa bitera binene. Na chira chitera, chinátusa wai mulimo. Netu kutunali bacha. Chiro mbu tùli banene, si tunáli mubiri muuma kurengera ebuuma bwetu na Kirisito*. Tuboshi tùli mwa buuma nga bitera bya mubiri muuma.